નવી મુંબઈ5 કલાક પેહલા
કૉપી લિંક
ભારતીય વાયુસેનાના વિમાન C-295એ શુક્રવારે નવી મુંબઈ ઈન્ટરનેશનલ એરપોર્ટ પર સફળ લેન્ડિંગ કર્યું હતું. આ રનવે ટેસ્ટિંગ ટ્રાયલ હતું. મહારાષ્ટ્રના CM એકનાથ શિંદે પણ પ્લેનમાં બેઠેલા જોવા મળ્યા હતા.
એરપોર્ટ ઓપરેટરના જણાવ્યા અનુસાર, ભારતીય વાયુસેના પરિવહન કેરિયર C-295 બપોરે 12.14 વાગ્યે એરપોર્ટના દક્ષિણ રનવે 26 પર ઉતર્યું હતું. વિમાનને વોટર કેનન સલામી પણ આપવામાં આવી હતી.
આ એરપોર્ટ અદાણી ગ્રુપ દ્વારા બનાવવામાં આવ્યું છે. માર્ચ 2025 સુધીમાં એરપોર્ટ પર ફ્લાઇટ ઓપરેશન શરૂ થશે. એરપોર્ટની ક્ષમતા 10-11 કરોડ મુસાફરોની છે.
નવી મુંબઈ એરપોર્ટ પર ઉતરાણ કરનાર ટ્રાન્સપોર્ટ કેરિયર C-295ને વોટર કેનન સલામી આપવામાં આવી હતી.
પ્લેનમાં મહારાષ્ટ્રના CM એકનાથ શિંદે પણ હાજર હતા. સફળ ઉતરાણ પછી તેમણે વિજયની નિશાની બતાવી.
પ્લેનના લેન્ડિંગ બાદ CM એકનાથ શિંદેએ એરપોર્ટ પર ફોટો પડાવ્યો હતો.
નવી મુંબઈ એરપોર્ટ 18000 કરોડ રૂપિયામાં બનાવવામાં આવ્યું અદાણી ગ્રુપ એરપોર્ટ બિઝનેસમાં રૂ. 60,000 કરોડ ખર્ચવા જઈ રહ્યું છે. અદાણી ગ્રુપ આગામી 10 વર્ષમાં રનવે, ટેક્સીવે, એરક્રાફ્ટ પાર્કિંગ સ્ટેન્ડ અને ટર્મિનલની સાથે સિટી સાઇડ ઇન્ફ્રાસ્ટ્રક્ચર પર ખર્ચ કરશે.
નવી મુંબઈ એરપોર્ટના પ્રથમ તબક્કાના વિકાસ માટે રૂ. 18,000 કરોડનો ખર્ચ કરવામાં આવ્યો છે. તે માર્ચ 2025 સુધીમાં કાર્યરત થવાની ધારણા છે. આ રોકાણ સહિત, અદાણી ગ્રુપ એરપોર્ટના વિકાસ માટે કુલ રૂ. 78,000 કરોડનો ખર્ચ કરશે.
કંપની 2040 સુધીમાં 25 થી 30 કરોડની ક્ષમતા વિકસાવશે અદાણી ગ્રુપે વર્ષ 2021માં મુંબઈ એરપોર્ટનું સંપાદન કર્યું હતું અને JVK ગ્રુપ પાસેથી નવી મુંબઈ એરપોર્ટ લીધું હતું, તેનું બાંધકામ છેલ્લા તબક્કામાં છે. તેમની ક્ષમતા હાલમાં 10 કરોડથી 11 કરોડ મુસાફરોની છે. જૂથ આગામી 16 વર્ષમાં એટલે કે 2040 સુધીમાં તેની ક્ષમતા 25 થી 30 કરોડ મુસાફરો સુધી વધારવા પર ધ્યાન કેન્દ્રિત કરી રહ્યું છે.
