GIFA 2025 માટે 24 કેટેગરીના નોમિનેશન્સ જાહેર
6 th ફેબ્રુઆરી 2026, અમદાવાદ: ગુજરાતી ફિલ્મ ઉદ્યોગની પ્રતિભા, સર્જનાત્મકતા અને સાંસ્કૃતિક વારસાને વૈશ્વિક મંચ પર ઉજાગર કરતી પ્રતિષ્ઠિત પહેલ GIFA – Gujarati Iconic Film Awards એ પોતાના 10મા વર્ષ માં પ્રવેશ કરી ‘ગોલ્ડન ડેકેડ’ની ભવ્ય ઉજવણી સાથે વર્ષ 2025 માટેની કુલ 24 કેટેગરીના નોમિનેશન્સની સત્તાવાર જાહેરાત 6 ફેબ્રુઆરી 2025ના રોજ
કરી હતી.
આ વિશેષ જાહેરાત કાર્યક્રમ GIFAના સ્થાપક હેતલ ઠક્કર અને અરવિંદ વેગડા, તેમજ ગુજરાતી ફિલ્મ ઉદ્યોગના અનુભવી અને પ્રતિષ્ઠિત જ્યુરી સભ્યો શ્રી મિહિર ભૂતા, શ્રી વિનોદ ગણાત્રા, શ્રીનિવાસ પાત્રોજી, શ્રી બીપીન બાપોદરા, મિસ શીતલ શાહ, શ્રી જિજ્ઞેશ પટેલ, શ્રી બૂરઝિન ઉનવલા અને શ્રી રાકેશ પુજારા ની ગૌરવસભર ઉપસ્થિતિમાં યોજાયો હતો. દસ વર્ષના અવિરત સફળ સફરની ઉજવણી સાથે આ કાર્યક્રમ GIFAની સિદ્ધિઓ, વિશ્વસનીયતા અને ફિલ્મ ઉદ્યોગ ના યોગદાનને પ્રતિબિંબિત કરતો રહ્યો છે.
GIFAના આ ગોલ્ડન ડેકેડમાં, વર્ષ 2025 દરમિયાન રિલીઝ થયેલી ૮૬ ફિલ્મો માથી GIFA માં ભાગ લેનાર ૭૨ ગુજરાતી ફિલ્મોમાંથી પસંદ થયેલી શ્રેષ્ઠ કૃતિઓ અને પ્રતિભાઓને 24 કેટેગરીઓમાં નોમિનેટ કરવામાં આવી છે. જેમાં શ્રેષ્ઠ ફિલ્મ, દિગ્દર્શન, અભિનેતા-અભિનેત્રી, સહાયક અભિનય, સંગીત, ગીતરચના, પાશ્વ સંગીત તથા વિવિધ ટેકનિકલ કેટેગરીઓનો
સમાવેશ થાય છે. દરેક કેટેગરીમાં પસંદગી સંપૂર્ણપણે પારદર્શક, ગુણવત્તા આધારિત અને નિષ્પક્ષ મૂલ્યાંકન પ્રક્રિયા દ્વારા કરવામાં આવી છે.
આ પ્રસંગે જ્યુરી સભ્યોએ જણાવ્યું હતું કે, GIFAના દસ વર્ષના અનુભવ અને પ્રતિષ્ઠાને ધ્યાનમાં રાખીને આ વર્ષની પસંદગી પ્રક્રિયા વધુ કડક અને વ્યાવસાયિક ધોરણે હાથ ધરવામાં આવી હતી, જેથી ખરેખર શ્રેષ્ઠ પ્રતિભાઓને યોગ્ય માન્યતા મળી શકે.
GIFAના હેતલ ઠક્કરે પોતાના સંબોધનમાં જણાવ્યું હતું કે, “GIFAના દસ વર્ષ પૂર્ણ થવું એ માત્ર એક માઇલસ્ટોન નથી, પરંતુ ગુજરાતી સિનેમાના વિકાસ અને તેની વૈશ્વિક ઓળખની સફળ યાત્રાનો ઉત્સવ છે. આ ગોલ્ડન ડેકેડમાં અમે ભૂતકાળની સિદ્ધિઓ સાથે ભવિષ્યની નવી દિશા પણ નિર્ધારિત કરી રહ્યા છીએ.”
સાથે સાથે અરવિંદ વેગડાએ જણાવ્યું હતું કે, “ગુજરાતી સિનેમા, સંગીત અને સંસ્કૃતિને એકસાથે ઉજવતી GIFA જેવી પહેલો આવનારી પેઢી માટે પ્રેરણારૂપ છે. ગોલ્ડન ડેકેડની આ ઉજવણી સમગ્ર ઉદ્યોગ માટે ગૌરવનો વિષય છે.”
GIFA – Gujarati Iconic Film Awards 2025 માટેની નોમિનેશન્સની જાહેરાત સાથે અને ‘ગોલ્ડન ડેકેડ’ની ઉજવણીના આ પ્રારંભિક તબક્કાથી, સમગ્ર ગુજરાતી ફિલ્મ ઉદ્યોગમાં ઉત્સાહ, ગૌરવ અને નવી ઉર્જાનો સંચાર થયો છે. ટાઈટલ સ્પોન્સર નુવોકો સિમેન્ટ, મેઈન સ્પોન્સર વસંત મસાલા સાથે વ્રજ જ્વેલર્સ તથા ગુજરાત ટુરિઝમ ના એસોસિયન થી કોનપ્લેક્સ -સિનેમા પાર્ટનર તથા રેડીઓ ફીવર – રેડીઓ પાર્ટનર ના સહયોગ થી GIFA – 2025 ની આઇકોનિક એવોર્ડ નાઇટ ૨૮ ફેબ્રુઆરી ના રોજ નારાયણી હાઇટ્સ હોટલ ખાતે યોજવામાં આવેલ છે. હવે આવનારી એવોર્ડ નાઇટ માટે ફિલ્મ ઉદ્યોગ અને દર્શકો બંને આતુરતાથી રાહ જોઈ રહ્યા છે.
