ગુજરાત, અમદાવાદ | ૧૭ ડિસેમ્બર ૨૦૨૫ — સ્પિનોટો, ભારતનું પ્રથમ ઓન-ડિમાન્ડ વાહન સેવા પ્લેટફોર્મ જે 15 મિનિટમાં ગ્રાહકના સ્થાન પર પ્રમાણિત મિકેનિકનું વચન આપે છે, તેનું મંગળવારે અમદાવાદમાં અમદાવાદ મેનેજમેન્ટ એસોસિએશન (એએમએ) ખાતે સત્તાવાર રીતે લોન્ચ કરવામાં આવ્યું.
આ લોન્ચિંગ સાથે સ્પિનોટો એ ટેકનોલોજી આધારિત સોલ્યુશન સાથે શહેરમાં પ્રવેશ કર્યો છે, જેનો ઉદ્દેશ્ય વાહન સર્વિસિંગ અને રોડસાઇડ આસિસ્ટન્સ ને સરળ બનાવવાનો છે. વાહન માલિકો દ્વારા સામનો કરવામાં આવતી સામાન્ય સમસ્યાઓ જેવી કે વિલંબ, પારદર્શિતાનો અભાવ અને અસુવિધાને દૂર કરવા માટે આ પ્લેટફોર્મ તૈયાર કરવામાં આવ્યું છે. સ્પિનોટો એપ્લિકેશન દ્વારા યુઝર્સ બ્રેકડાઉન, રૂટિન સર્વિસિંગ અને નાની-મોટી મરામત માટે ગેરેજ પર ગયા વગર જ તરત જ વેરિફાઈડ મિકેનિક બુક કરી શકે છે.
આ એપ્લિકેશન દ્વારા ગ્રાહકો સર્વિસ માટે વિનંતી કરી શકે છે અને તેમના મનપસંદ સ્થળ પર જ સપોર્ટ મેળવી શકે છે. આ પ્લેટફોર્મ અપફ્રન્ટ ભાવો અને સરળ બુકિંગ પ્રક્રિયા દ્વારા રાહ જોવાનો સમય અને અનિશ્ચિતતા ઘટાડવા પર ધ્યાન કેન્દ્રિત કરે છે. સ્પિનોટોનું આ મોડેલ એવા વાહનચાલકો માટે બનાવવામાં આવ્યું છે જે ઝડપી અને વધુ ભરોસાપાત્ર સર્વિસનો અનુભવ ઈચ્છે છે.
લોન્ચિંગ સમયે સંબોધન કરતા, સ્પિનોટોના સ્થાપક અને સીઈઓ કૃણાલસિંહ રાણાએ જણાવ્યું હતું કે, “વાહનોની સમસ્યાઓ ઘણીવાર અણધારી હોય છે, પરંતુ તેનો ઉકેલ જટિલ અથવા સમય માંગી લે તેવો ન હોવો જોઈએ. સ્પિનોટો ની સ્થાપના વાહનની સંભાળને વધુ ઝડપી અને વધુ ભરોસાપાત્ર બનાવવા માટે કરવામાં આવી છે. ટેકનોલોજી અને કુશળ મિકેનિક્સનું સંયોજન કરીને, અમે એ સુનિશ્ચિત કરવા માંગીએ છીએ કે જ્યારે ગ્રાહકોને જરૂર હોય ત્યારે મદદ તેમના સુધી પહોંચે.”
સ્પિનોટોનો અભિગમ સ્થાનિક મિકેનિક્સને વ્યવસ્થિત અને ટેકનોલોજી-સંચાલિત ઇકોસિસ્ટમમાં જોડીને તેમને સશક્ત બનાવવા પર પણ ધ્યાન કેન્દ્રિત કરે છે. આ પ્લેટફોર્મ તાલીમબદ્ધ અને વેરિફાઈડ મિકેનિક્સને કામની સતત તકો અને પારદર્શક કમાણી પૂરી પાડે છે, જ્યારે ગ્રાહકો માટે ગુણવત્તા અને વિશ્વસનીયતા સુનિશ્ચિત કરે છે. વેરિફાઈડ પ્રોફાઇલ્સ અને ટ્રેક કરી શકાય તેવી સર્વિસ વિઝિટ દ્વારા સુરક્ષા, ખાસ કરીને મહિલા વપરાશકર્તાઓ માટે, એક મુખ્ય કેન્દ્રબિંદુ બની રહેશે.
સ્પિનોટો વાહનની સંભાળ માટે વિવિધ સેવાઓ પ્રદાન કરે છે, જેમાં ઓન-ડિમાન્ડ બ્રેકડાઉન આસિસ્ટન્સ, રૂટિન મેન્ટેનન્સ સપોર્ટ, સામાન્ય રિપેરિંગ અને સમયાંતરે વાહનની તપાસ નો સમાવેશ થાય છે. ગ્રાહકો તેમની જરૂરિયાત મુજબ ‘પે-પર-સર્વિસ’ અથવા નિયમિત મેન્ટેનન્સ માટે ‘સબસ્ક્રિપ્શન પ્લાન’ પસંદ કરી શકે છે. સ્પિનોટો આગામી સમયમાં વધુ શહેરોમાં તેની સેવાઓનો વિસ્તાર કરવાની યોજના ધરાવે છે, જે રોજિંદા વાહન સંભાળ માટે વ્યવહારુ અને સુલભ ઉકેલ તરીકે પોતાને સ્થાપિત કરે છે.
=============
