આજે ફાઈનલમાં યુ મુમ્બાનો સામનો જયપુર પેટ્રિઓટ્સથી થશે
અમદાવાદ ૧૪ જૂન ૨૦૨૫: યુ મુમ્બા ટીટીએ ગત ચેમ્પિયન ડેમ્પો ગોવા ચેલેન્જર્સ વિરુદ્ધ અલ્ટિમેટ ટેબલ ટેનિસ (યુટીટી)ની છઠ્ઠી સિઝનની બીજી સેમિફાઈનલમાં નાટ્યાત્મક ઢબે વળતી લડત આપી હતી. યુ મુમ્બા એ 4-7થી પાછળ રહ્યાં બાદ અંતિમ 4 ગેમ જીતવા સાથે 8-7થી જીત હાંસલ કરી ટીમ પ્રથમવાર ફાઈનલમાં પહોંચી.
ગોવા ફાઈનલમાં પહોંચવાથી એક ગેમ દૂર હતી અને યુ મુમ્બા એ આગળ વધવા ક્લિન સ્વિપ કરવાની જરૂર હતી. યશસ્વિની ઘોરપડે આ સમયે ઝળકી, તેણે બેક-ટૂ બેક ગેમ જીત્યા બાદ નિર્ણાયક ગેમ 11-10થી જીતી હતી. યુ મુમ્બા હવે રવિવારે 15 જૂનનાં રોજ જયપુર પેટ્રિઓટ્સ વિરુદ્ધ ફાઈનલમાં ટકરાશે.
આ પહેલા હરમિત દેસાઈ એ શાનદાર પ્રદર્શન થકી લિલિયન બર્ડેટને 3-0થી હરાવી ગોવાને મજબૂત શરૂઆત અપાવી. જોકે, તે પછી યુ મુમ્બા એ બર્નાડેટ સઝોક્સના પ્રદર્શનથી કમબેક કર્યું, જેણે જેંગ જિયાનને સિઝનની પ્રથમ હાર આપી. સઝોક્સે જેંગ વિરુદ્ધ 2-1 (11-5, 11-9, 7-11)થી જીત મેળવી હતી. આકાશ પાલ/સઝોક્સની જોડીએ હરમીત દેસાઈ/જેંગની જોડીને 2-1 (11-8, 8-11, 11-9) થી હરાવી હતી. વિટર ઈસીએ ગોવાની જીત લગભગ નિશ્ચિત કરી જ લીધી હતી ને અભિનનંધ સામે 11-6, 11-4થી ગેમ જીતી હતી, પરંતુ ત્રીજી ગેમમાં 6-9થી પાછળ રહેતા અભિનનંધ એ 11-9થી ગેમ જીતી મેચને જીવંત રાખી હતી. યશસ્વિની ઘોરપડે એ સામે રહેલ કરિયરની શ્રેષ્ઠ તકને બંને હાથોથી ઝડપતા ક્રિત્વિકા સિંહા રૉયને 3-0 (11-9, 11-9, 11-10)થી હરાવી હતી.
