ગિફ્ટ સિટીમાં મુખ્ય મથક ધરાવતી અગ્રણી ફંડ મેનેજમેન્ટ સંસ્થા આર્થા ભારત ઇન્વેસ્ટમેન્ટ મેનેજર્સ આઈએફએસસી એલએલપીએ આજે જાહેરાત કરી છે કે ગિફ્ટ સિટીમાં કામગીરી શરૂ થયાના બીજા વર્ષની સમાપ્તિ નિમિત્તે આગામી ત્રણ વર્ષમાં તેની એસેટ અંડર મેનેજમેન્ટ (એયુએમ) 750 મિલિયન ડોલરથી વધારીને 1.5 અબજ ડોલર સુધી પહોંચાડવાની યોજના છે.
વિવિધ એસેટ ક્લાસમાં અલગ પ્રકારની અને વધુ સારું વળતર (આલ્ફા) આપતી રોકાણ તકો ઉપલબ્ધ કરાવતી આ ફંડ મેનેજમેન્ટ સંસ્થાએ પોતાની વૃદ્ધિ માટે ત્રણ મુખ્ય ક્ષેત્રો પર આધારિત વિસ્તરણ વ્યૂહરચના જાહેર કરી છે. તેમાં પ્રોડક્ટ્સની શ્રેણીનો વિસ્તાર, વૈશ્વિક હાજરી મજબૂત બનાવવી તેમજ નવા ભૌગોલિક વિસ્તારો અને નવા પ્રકારના રોકાણકારોને લક્ષ્ય બનાવવાનો સમાવેશ થાય છે.
ઇન્ફોગ્રાફિક
મુખ્ય મુદ્દાઓ
- એયુએમ લક્ષ્ય: આગામી ત્રણ વર્ષમાં એસેટ અંડર મેનેજમેન્ટ 750 મિલિયન ડોલરથી વધારીને 5 અબજ ડોલર કરવાની યોજના
- પ્રોડક્ટ્સનો વિસ્તાર: ડોલરમાં મૂલ્યાંકિત બે ડેટ આધારિત પ્રોડક્ટ્સ, કોમોડિટી/કિંમતી ધાતુઓ માટેની આર્બિટ્રાજ ફંડ અને વૈશ્વિક ઇક્વિટી ફંડ શરૂ કરવાની યોજના
- આંતરરાષ્ટ્રીય વિસ્તરણ: મધ્ય પૂર્વમાં તેમજ મોરિશિયસ અને સિંગાપોર જેવા આંતરરાષ્ટ્રીય નાણાંકીય કેન્દ્રોમાં નવી ઓફિસો શરૂ કરવાની સંભાવનાઓનું મૂલ્યાંકન
- સ્થાનિક રોકાણકારો સુધી પહોંચ: ફંડ ડિસ્ટ્રીબ્યુટર્સ અને બેન્કો મારફતે ભારતીય રોકાણકારોને વૈશ્વિક રોકાણ પ્રોડક્ટ્સ ઉપલબ્ધ કરાવવાની યોજના. આ વર્ષ દરમિયાન મુંબઈ, દિલ્હી, બેંગલુરુ અને કોલકાતામાં નવા ઇન્વેસ્ટર રિલેશન્સ અને ડિસ્ટ્રીબ્યુશન ઓફિસીસ શરૂ કરાશે
- ગિફ્ટ સિટીમાં વિસ્તરણ: વધુ 3,300 ચોરસ ફૂટ ઓફિસ જગ્યા ઉમેરાશે, જેમાં 100 જેટલા કર્મચારીઓની ક્ષમતા રહેશે
- ગિફ્ટ સિટી પ્રત્યે લાંબા ગાળાની પ્રતિબદ્ધતા: ગિફ્ટ સિટીમાં નિર્માણાધીન શિલ્પ ટ્વિન ટાવરમાં 12,000 ચોરસ ફૂટ ઓફિસ જગ્યા ખરીદવા માટે કરાર કર્યો
- પ્રોડક્ટ્સનું પ્રદર્શન: કંપનીના પ્રથમ ફંડે તેના કાર્યકાળના પ્રથમ ત્રણ વર્ષમાં જ રોકાણકારોને 6 ગણું વળતર આપ્યું
આર્થા ભારત ઇન્વેસ્ટમેન્ટ મેનેજર્સની ગિફ્ટ સિટીમાં વિકાસયાત્રા
ગિફ્ટ સિટીમાં કામગીરી શરૂ થયાના માત્ર બે વર્ષમાં આર્થા ભારત એક ફંડ ધરાવતા પ્લેટફોર્મમાંથી વધીને છ ફંડ ધરાવતી સંસ્થા બની છે. આ દરમિયાન કંપનીએ પોતાની ટીમ અને ઓફિસ ઇન્ફ્રાસ્ટ્રક્ચરનો પણ નોંધપાત્ર વિસ્તાર કર્યો છે.
આર્થા ભારત ઇન્વેસ્ટમેન્ટ મેનેજર્સ આઈએફએસસી એલએલપીના મેનેજિંગ પાર્ટનર સચિન સાવરીકરે જણાવ્યું હતું કે, “અમારી બીજી વર્ષગાંઠની ઉજવણીના અવસરે કહી શકાય કે અમારી ઉદ્યોગસાહસિક પહેલ હજુ શરૂઆતના તબક્કામાં હોવા છતાં નોંધપાત્ર રીતે વિકસતી રહી છે. અમે એક જ ફંડમાંથી વધીને છ ફંડ સુધી પહોંચ્યા છીએ. બે વ્યક્તિઓ સાથે શરૂ થયેલા સ્વનિર્ભર સ્ટાર્ટઅપમાંથી આજે અમારી ટીમ દસ ગણી થઈ ગઈ છે. કો-વર્કિંગ સ્પેસમાં ચાર બેઠક ધરાવતા યુનિટમાંથી આજે અમે 2,345 ચોરસ ફૂટની એવી ઓફિસ સુધી પહોંચ્યા છીએ જેમાં 60 લોકો બેસી શકે છે.”
આ સમયગાળા દરમિયાન આર્થા ભારત ભારતના એકમાત્ર ઓફશોર ફાઇનાન્શિયલ સર્વિસીસ સેન્ટરમાં કાર્યરત સૌથી મોટી ફંડ મેનેજમેન્ટ સંસ્થાઓમાંની એક તરીકે ઉભરી આવી છે. કંપની થર્ડ પાર્ટી માટે ફંડ મેનેજમેન્ટ સેવાઓ આપવા માટે લાઇસન્સ મેળવનારી પ્રથમ સંસ્થા બની છે તેમજ ફિઝિકલ કોમોડિટીના આધારવાળું ગોલ્ડ ફંડ લોન્ચ કરનાર પ્રથમ ફંડ હાઉસ પણ બની છે.
ભાવિ વિકાસને ટેકો આપવા ગિફ્ટ સિટીમાં વિસ્તરણ
વિકાસના આગામી તબક્કાના ભાગરૂપે અર્થ ભારત ગિફ્ટ સિટીમાં તેની ઓફિસનો વિસ્તાર કરી રહી છે. શ્રી સાવરીકરે જણાવ્યું હતું કે, “બીજા વર્ષમાં પ્રવેશતા અમે હવે વધુ ઝડપી વિકાસ માટે તૈયારીઓ કરી રહ્યા છીએ. અમારી વ્યવસાયિક વિસ્તરણ યોજનાને ધ્યાનમાં રાખીને ગિફ્ટ સિટીમાં હાલની લગભગ
2,400 ચોરસ ફૂટની ઓફિસ સાથે વધુ 3,300 ચોરસ ફૂટ જગ્યા ઉમેરી રહ્યા છીએ. આ વિસ્તૃત સુવિધા આગામી ત્રણ વર્ષ સુધી અમારી જરૂરિયાતો પૂરી કરશે અને તેમાં 100 જેટલા લોકો માટે બેઠક વ્યવસ્થા રહેશે.”
નવી ઓફિસ ગિફ્ટ સિટીની પ્રતિષ્ઠિત ગ્રેડ-એ પ્રોપર્ટી છે જે ગિફ્ટ સિટીમાં ફ્લેક્સવનના પાંચમા માળે આવેલી છે.
શ્રી સાવરીકરે વધુમાં જણાવ્યું હતું કે, “ગિફ્ટ સિટી પ્રત્યે અમારી લાંબા ગાળાની પ્રતિબદ્ધતા છે અને તેને આ ક્ષેત્રનું અગ્રણી આંતરરાષ્ટ્રીય નાણાંકીય સેવા કેન્દ્ર બનાવવા માટે અમે અમારું યોગદાન આપવા ઇચ્છીએ છીએ. તેથી જ અમે ગિફ્ટ સિટીમાં નિર્માણાધીન શિલ્પ ટ્વિન ટાવરમાં 12,000 ચોરસ ફૂટની વિશાળ ઓફિસ જગ્યા ખરીદવા માટે પણ કરાર કર્યો છે, જે આજે અમે ઉદ્ઘાટન કરી રહેલા વિસ્તૃત ઓફિસ કરતાં બમણાથી પણ વધુ મોટી હશે.”
હાલમાં નિર્માણાધીન 28 માળની આ ગ્રેડ-એ વ્યાવસાયિક ઇમારત વર્ષ 2030 સુધીમાં કાર્યરત થવાની અપેક્ષા છે.
નવા ફંડ લોન્ચ કરીને આર્થા ભારત તેની પ્રોડક્ટ્સની શ્રેણી બમણી કરશે
આર્થા ભારત આગામી બે વર્ષમાં તેની પ્રોડક્ટ્સની શ્રેણીનો નોંધપાત્ર વિસ્તાર કરવાની યોજના ધરાવે છે. શ્રી સાવરીકરે જણાવ્યું હતું કે, “અમારા છ ફંડ પહેલેથી જ ઉત્તમ પ્રદર્શન કરી ચૂક્યા છે. અમારા પ્રથમ ફંડે તેની અવધિના પ્રથમ ત્રણ વર્ષમાં જ રોકાણકારોને 6 ગણું વળતર આપ્યું છે. હવે અમે નિયમિત આવક ઇચ્છતા અને ટૂંકા ગાળાના વધારાના નાણાં રોકવા માંગતા રોકાણકારો માટે ડોલરમાં મૂલ્યાંકિત બે નવા ડેટ આધારિત પ્રોડક્ટ્સ લોન્ચ કરવાની યોજના બનાવી છે. ઉપરાંત અમે કોમોડિટી/કિંમતી ધાતુઓ માટેની આર્બિટ્રાજ ફંડ અને વૈશ્વિક ઇક્વિટી ફંડ પણ શરૂ કરીશું.”
ફંડ હાઉસ હાલમાં પોતાની માલિકીની ક્વોન્ટિટેટિવ રોકાણ વ્યૂહરચના પણ વિકસાવી રહ્યું છે. આ મોડેલને આધારે રોકાણ યોજના શરૂ કરતા પહેલાં તેનું બેક-ટેસ્ટિંગ અને વધુ સુધારણા કરવામાં આવશે. આગામી બે વર્ષમાં યોજાનારા આ નવા ફંડ લોન્ચથી આર્થા ભારતની હાલની પ્રોડક્ટ્સની શ્રેણી અસરકારક રીતે બમણી થઈ જશે.
આર્થા ભારતનું આંતરરાષ્ટ્રીય વિસ્તરણ
વૈશ્વિક હાજરી મજબૂત બનાવવા માટે આર્થા ભારત મધ્ય પૂર્વમાં પોતાની કામગીરી વધુ વિસ્તૃત કરવાની યોજના ધરાવે છે. ઓમાન અને દુબઈમાં પહેલેથી જ હાજરી ધરાવતી કંપની હવે મોરિશિયસ અને સિંગાપોર જેવા અન્ય આંતરરાષ્ટ્રીય નાણાંકીય સેવા કેન્દ્રોમાં પણ કામગીરી શરૂ કરવાની સંભાવનાઓનું મૂલ્યાંકન કરી રહી છે.
આ વિસ્તરણનો હેતુ અર્થ ભારતને આંતરરાષ્ટ્રીય મૂડીના વધુ મોટા સ્ત્રોતો સુધી પહોંચ સક્ષમ બનાવવાનો અને તેને અગ્રણી વૈશ્વિક ફંડ મેનેજમેન્ટ પ્લેટફોર્મ તરીકે વધુ મજબૂત બનાવવાનો છે.
ફંડ હાઉસ હવે ભારતીય રોકાણકારો અને નવા રોકાણકાર વર્ગને લક્ષ્ય બનાવશે
આર્થા ભારતની વિકાસ વ્યૂહરચનાનો ત્રીજો મુખ્ય આધાર નવા ભૌગોલિક વિસ્તારો અને નવા પ્રકારના રોકાણકારોને જોડીને તેના રોકાણકાર આધારનો વિસ્તાર કરવાનો છે.
શ્રી સાવરીકરે જણાવ્યું હતું કે, “અત્યાર સુધી અમારા તમામ ફંડ ભારત બહારના રોકાણકારો પાસેથી મૂડી એકત્રિત કરવા પર કેન્દ્રિત રહ્યા છે. હવે અમે અમારા ફંડ્સને સ્થાનિક ભારતીય રોકાણકારો માટે પણ સરળતાથી ઉપલબ્ધ બનાવવા માંગીએ છીએ. આલ્ફા સર્જન પર આધારિત અમારી વિશિષ્ટ રોકાણ પ્રોડક્ટ્સ દ્વારા ભારતીય રોકાણકારોને વિવિધ એસેટ ક્લાસમાં વૈશ્વિક બજારોમાં રોકાણ કરવાની તક મળશે. આ હેતુસર અમે અનેક ફંડ ડિસ્ટ્રીબ્યુટર્સ અને બેન્કો સાથે ચર્ચા કરી રહ્યા છીએ જેથી તેઓ તેમના સ્થાનિક ગ્રાહકોને અમારી સ્કીમ્સ ઉપલબ્ધ કરાવી શકે.”
આ પહોંચને વધુ મજબૂત બનાવવા માટે અર્થ ભારત મુંબઈ, દિલ્હી, બેંગલુરુ અને કોલકાતા જેવા મહાનગરોમાં ઇન્વેસ્ટર રિલેશન્સ અને ડિસ્ટ્રીબ્યુશન ઓફિસીસ શરૂ કરવાની યોજના ધરાવે છે. આથી મધ્ય પૂર્વ, મોરિશિયસ અને સિંગાપોરમાં તેની આંતરરાષ્ટ્રીય હાજરી સાથે ભારતના મુખ્ય નાણાંકીય અને વેલ્થ મેનેજમેન્ટ કેન્દ્રોમાં પણ કંપનીની સીધી હાજરી રહેશે.
ભારતમાં ઝડપથી વધી રહેલા હાઈ નેટવર્થ અને અલ્ટ્રા હાઈ નેટવર્થ રોકાણકારોનો વર્ગ વૈશ્વિક સ્તરે અલગ પ્રકારના રોકાણ ઉકેલો આપતી ફંડ મેનેજમેન્ટ સંસ્થાઓ માટે મોટી તક રજૂ કરે છે. હુરુન ગ્લોબલની યાદી મુજબ અબજોપતિઓની સંખ્યાના આધારે ભારત અમેરિકા અને ચીન પછી વિશ્વમાં ત્રીજા સ્થાને છે અને દેશમાં 300થી વધુ અબજોપતિઓ છે. તેના પરિણામે દેશમાં વેલ્થ મેનેજમેન્ટ ઇકોસિસ્ટમનો પણ ઝડપી વિકાસ થયો છે, જ્યાં સમૃદ્ધ રોકાણકારોને તેમની સંપત્તિનું સંરક્ષણ અને વૃદ્ધિ કરવા માટેની વ્યૂહરચનાઓ અંગે માર્ગદર્શન આપતા વેલ્થ મેનેજર્સનું જાળું સતત વિસ્તરી રહ્યું છે.
નવા ફંડ લોન્ચ, આંતરરાષ્ટ્રીય વિસ્તરણ તેમજ ભારતના ઝડપથી વધી રહેલા સમૃદ્ધ ગ્રાહકો અને ફેમિલી ઓફિસીસને લક્ષ્ય બનાવવાની યોજનાઓ દ્વારા આર્થા ભારત ઇન્વેસ્ટમેન્ટ મેનેજર્સ આગામી ત્રણ વર્ષમાં તેનું એયુએમ બમણું કરીને 1.5 અબજ ડોલર સુધી પહોંચાડવાના લક્ષ્ય સાથે વૈશ્વિક સ્તરે અલગ પ્રકારની રોકાણ તકોની વધતી માંગનો લાભ ઉઠાવવા ઇચ્છે છે.
