આ ભાગીદારી કમર્શિયલ ફ્લીટ્સમાં EV અપનાવવાની ગતિ વધારવા માટે કસ્ટમાઇઝ્ડ લીઝિંગ સોલ્યુશન્સ ઓફર કરશે
મુંબઈ | ૨૦ ઓગસ્ટ ૨૦૨૬ | ભારે કમર્શિયલ ફ્લીટ્સ પર ધ્યાન કેન્દ્રિત કરતું EV લીઝિંગ પ્લેટફોર્મ Drivn દ્વારા ભારતની સૌથી મોટી કમર્શિયલ વાહન ઉત્પાદક ટાટા મોટર્સ સાથે સમજૂતી કરાર (MoU) પર હસ્તાક્ષર કરાયા છે, જે ફ્લીટ ઓપરેટરો માટે ભારતમાં ઇલેક્ટ્રિક કમર્શિયલ વાહનોના લીઝિંગ- આધારિત ડિપ્લોયમેન્ટનું અન્વેષણ કરશે. આ ભાગીદારી હેઠળ Drivn ટાટા મોટર્સના ઇલેક્ટ્રિક કમર્શિયલ વાહન પોર્ટફોલિયો માટે કસ્ટમાઇઝ્ડ લીઝિંગ સોલ્યુશન્સ ઓફર કરશે, જે ફ્લીટ ઓપરેટરોને સરળ અને કસ્ટમાઇઝ્ડ ફાઇનાન્સિંગ સોલ્યુશન્સ દ્વારા ઇલેક્ટ્રિક વાહનો તરફ સંક્રમણ કરવા સક્ષમ બનાવશે.
ડ્રાઇવન કમર્શિયલ ફ્લીટ ઓપરેટરો માટે તૈયાર કરાયેલા બીસ્પોક ઓપરેટિંગ લીઝ સોલ્યુશન્સ ઓફર કરે છે. ફાઇનાન્સિંગ, ડિપ્લોયમેન્ટ અને ચાર્જિંગ ઇન્ફ્રાસ્ટ્રક્ચરમાં લાંબા સમયથી ચાલતા અંતરને દૂર કરીને તે ઇલેક્ટ્રિક તરફના સંક્રમણને સરળ અને વધુ વ્યવહારુ બનાવવામાં મદદ કરી રહી છે. સમગ્ર ભારતમાં ફ્લીટ ઇલેક્ટ્રિફિકેશનને ગતિ આપી રહી છે.
ટાટા મોટર્સ સૌથી વ્યાપક ઇલેક્ટ્રિક CV પોર્ટફોલિયો અને ઇકોસિસ્ટમ સાથે કમર્શિયલ મોબિલિટી સંક્રમણનું નેતૃત્વ કરી રહી છે, જે ઇલેક્ટ્રિફિકેશનને વ્યવહારુ અને નફાકારક પણ બનાવે છે. કંપની સમગ્ર જીવનચક્રમાં કામગીરી, અપટાઇમ, ચાર્જિંગ અને ફાઇનાન્સિંગને ઑપ્ટિમાઇઝ કરવા માટે ફ્લીટ માલિકો સાથે નજીકથી કામ કરે છે. ઈલેક્ટ્રિક અપનાવવાની પ્રક્રિયા વધુ ગાઢ બને છે તેમ ટાટા મોટર્સ એન્ડ-ટુ-એન્ડ સોલ્યુશન્સ પૂરા પાડવા પર ધ્યાન કેન્દ્રિત કરે છે જે ગ્રાહકોને શૂન્ય- ઉત્સર્જન મોબિલિટી તરફ આત્મવિશ્વાસથી સંક્રમિત કરવામાં મદદ કરે છે.
આ પ્રસંગે બોલતાં ટાટા મોટર્સ લિમિટેડના ટ્રક્સના વાઇસ પ્રેસિડેન્ટ અને બિઝનેસ હેડ શ્રી રાજેશ કૌલે જણાવ્યું હતું કે, “ટાટા મોટર્સ સ્વચ્છ મોબિલિટીની વ્યાપ્તિ વધારવા કરવા અને સસ્ટેનેબલ પરિવહન તરફ ભારતના સંક્રમણને ગતિ આપવા માટે પ્રતિબદ્ધ છે. Drivn સાથે મળીને અમે અમારા ગ્રાહકો માટે ઇલેક્ટ્રિક ટ્રકને વધુ સુલભ બનાવવાનો ધ્યેય રાખીએ છીએ. અમારા ઇલેક્ટ્રિક ટ્રક પોર્ટફોલિયોને પ્રદર્શન, વિશ્વસનીયતા અને સંચાલન અર્થશાસ્ત્ર પ્રદાન કરવા માટે ડિઝાઇન કરવામાં આવ્યા છે જે અમારા ગ્રાહકોની વિકસતી જરૂરિયાતોને પૂર્ણ કરે છે, જ્યારે તેમને શૂન્ય- ઉત્સર્જન ટેકનોલોજીમાં આત્મવિશ્વાસથી સંક્રમિત કરવામાં મદદ કરે છે.”
Drivnના સીઇઓ અને સહ-સ્થાપક માનવ બંસલે જણાવ્યું હતું કે, “ઇલેક્ટ્રિક ફ્લીટ્સને કમર્શિયલ રીતે સક્ષમ બનાવવી એ તેને મોટા પાયે અપનાવવા માટે ચાવીરૂપ છે. ઓપરેટરો તરફથી રસ વધી રહ્યો છે ત્યારે પરિવર્તન આખરે આ ઉકેલો કેટલા વ્યવહારુ અને સુલભ છે તેની પર આધાર રાખે છે. ટાટા મોટર્સ સાથે ભાગીદારી અમને અમારા લીઝિંગ મોડેલ સાથે મજબૂત વાહન પોર્ટફોલિયોને જોડવાની મંજૂરી આપે છે, જે અપફ્રન્ટ ખર્ચ અને ડિપ્લોયમેન્ટ સમયરેખા જેવા મુખ્ય અવરોધોને દૂર કરે છે. આ ભાગીદારી દ્વારા અમે આગામી બે વર્ષમાં 1,000થી વધુ ઇલેક્ટ્રિક ટ્રક તહેનાત કરવાનો ઇરાદો ધરાવીએ છીએ, જે ફ્લીટ ઓપરેટરોને ભારતમાં EV ઇકોસિસ્ટમના વ્યાપક વિકાસમાં યોગદાન આપતી વખતે વીજળીકરણ માટે સ્પષ્ટ અને વધુ ઉચ્ચ સ્તરનો માર્ગ પ્રદાન કરે છે.”
Drivnના સહ-સ્થાપક અને ચીફ બિઝનેસ ઓફિસર અલ્પના જૈને જણાવ્યું હતું કે, “યોગ્ય ઇકોસિસ્ટમ સમર્થન માટે એકત્ર આવે છે ત્યારે ઇલેક્ટ્રિક ફ્લીટ અપનાવવાનું પ્રમાણ વધે છે. ટાટા મોટર્સની મજબૂત બજાર હાજરી સાથે ફ્લીટ ઓપરેટરો વિશ્વાસ અને ઍક્સેસ મેળવે છે, કારણ કે અમને વાહનોની જાળવણી, OEM તરફથી સંયુક્ત પ્રતિબદ્ધતા તરીકે અપટાઇમ અને કાર્યક્ષમતાનું નિરીક્ષણ કરવા માટે ટેકનોલોજીનું સંયોજન જેવાં તત્ત્વ મળી રહ્યાં છે.”
ટાટા મોટર્સ એક મજબૂત પોર્ટફોલિયો સાથે રાષ્ટ્રના ઇલેક્ટ્રિક કમર્શિયલ વાહન સંક્રમણનું નેતૃત્વ કરવાનું ચાલુ રાખે છે. કંપનીએ ટાટા Trucks.ev બ્રાન્ડ હેઠળ નવા I-MOEV (ઇન્ટેલિજન્ટ મોડ્યુલર ઇલેક્ટ્રિક વેહિકલ) આર્કિટેક્ચર પર બનેલા 7 થી 55 ટન સુધીના ઇલેક્ટ્રિક ટ્રકનો વ્યાપક પોર્ટફોલિયો રજૂ કર્યો છે. સસ્ટેનેબલ, કાર્યક્ષમ અને ઉચ્ચ પ્રદર્શન કામગીરી માટે રચાયેલા આ ટ્રકો ઇ-કોમર્સ લોજિસ્ટિક્સ, બાંધકામ સામગ્રીની હિલચાલ અને પોર્ટ કામગીરી સહિત વિવિધ એપ્લિકેશનોને પહોંચી વળે છે. ઝડપથી વિકસતા EV ચાર્જિંગ ઇન્ફ્રાસ્ટ્રક્ચર અને રાષ્ટ્રવ્યાપી સેવા નેટવર્ક દ્વારા સમર્થિત ટાટા મોટર્સ સસ્ટેનેબલ મોબિલિટીને આગળ વધારવા અને ભારતની ગ્રીન ટ્રાન્સપોર્ટેશન ઇકોસિસ્ટમને મજબૂત બનાવવાની તેની પ્રતિબદ્ધતામાં અડગ રહે છે.
== સમાપ્ત ==
