મુંબઈ, ઓક્ટોબર ૨૦૨૬: અનિલ કપૂરની કઈ ફિલ્મ આગામી 14 મહિનામાં ₹100 કરોડનો આંકડો પાર કરશે? સ્ટાર પ્લસના ‘ઇન્ડિયા કે ટોપ 1% – ધ અનિલ કપૂર શો’ના આગામી એપિસોડમાં ગુજરાતના જ્યોતિષી ભાગેશ રણપુરા આવી જ એક રસપ્રદ આગાહી કરતા જોવા મળશે. મજેદાર કોયડા અને હળવી વાતચીત વચ્ચે આ વખતે અનિલ કપૂર સવાલ પૂછવાને બદલે પોતાના ભવિષ્ય અને કથિત પૂર્વજન્મ વિશે સાંભળતા જોવા મળશે!
ભાગેશ જણાવે છે કે આગામી 14 મહિનામાં અનિલ કપૂરની એક ફિલ્મ ₹100 કરોડથી વધુ કમાણી કરશે. જોકે, વાત માત્ર ભવિષ્યની આગાહી સુધી અટકતી નથી. અનિલના પૂર્વજન્મ વિશે દાવો કરતાં તેઓ કહે છે, “મેં તમારો પૂર્વજન્મ જોયો હતો. તમારો જન્મ ઓડિશામાં એક ખેડૂતના પરિવારમાં થયો હતો. તમે શિવજીની સાધના કરતા હતા અને ખૂબ દાન પણ આપતા હતા. એ પુણ્ય અને આશીર્વાદના કારણે જ તમે આજે આટલા મોટા સ્ટાર બન્યા છો.”
ભાગેશ એવો પણ દાવો કરે છે કે પૂર્વજન્મમાં અનિલ પરંપરાગત નૃત્ય કરતા હતા અને તેમણે એક મદારીને મદદ કરી હતી. તેમના કહેવા મુજબ, એ મદારીના આશીર્વાદની સકારાત્મક અસર અનિલના જીવન પર પડી છે.
આ વાત સાંભળીને અનિલ કપૂરની જિજ્ઞાસા વધી જાય છે અને તેમની પ્રતિક્રિયા વાતચીતને વધુ મજેદાર બનાવે છે. પૂર્વજન્મની વાતમાં રસ લેતાં તેઓ તરત જ પૂછે છે, “ઓડિશામાં ક્યાં? આ જગ્યા ક્યાં છે? હું ત્યાં જવા માગીશ. આમ તો હું ઓડિશા જતો રહું છું, પણ આ જગ્યાએ ચોક્કસ જવા માગીશ.” ભાગેશ આ અંગે વધુ તપાસ કરીને તેમને સ્થળની વિગતો આપવાનું વચન આપે છે.
વાતચીત દરમિયાન અનિલ કપૂર ખેડૂતોના યોગદાનને પણ યાદ કરે છે. તેઓ કહે છે, “આ આપણા હિન્દુસ્તાનના ખેડૂતો છે, જેમના કારણે આજે આપણે અહીં છીએ.”
ક્યારેક કોયડાનો જવાબ શોધવાની મજા, તો ક્યારેક સ્પર્ધકોની વાતોથી સર્જાતી અણધારી ક્ષણો—‘ઇન્ડિયા કે ટોપ 1%’માં અનિલ કપૂરનો સહજ અને રમૂજી અંદાજ દરેક મુલાકાતને ખાસ બનાવે છે. આ વખતે ગુજરાતના જ્યોતિષીની આગાહી અને તેના પર અનિલની ઉત્સુક પ્રતિક્રિયા દર્શકો માટે મનોરંજનની વધુ એક રસપ્રદ ક્ષણ બની રહેશે.
જુઓ ‘ઇન્ડિયા કે ટોપ 1% – ધ અનિલ કપૂર શો’, દર શનિવાર અને રવિવારે રાત્રે 8 વાગ્યે, સ્ટાર પ્લસ અને JioHotstar પર. પરિવાર અને મિત્રો સાથે કોયડાના જવાબ શોધો અને પ્લે અલૉંગ કરો!
