મુંબઈ, 12 ઑક્ટોબર, 2026: ભારતની અગ્રણી બિલ્ડિંગ મટિરિયલ્સ કંપની નુવોકો વિસ્ટાસ કોર્પ લિમિટેડ (Nuvoco Vistas Corp. Ltd.) પરિવર્તન, વિકાસ અને સંસ્થાનિર્માણની નોંધપાત્ર દાયકાની સફરની ઉજવણી કરી રહી છે. હિંમતભર્યા નિર્ણયો, અડગ પ્રતિબદ્ધતા અને કર્મચારીઓના સામૂહિક પ્રયાસોથી ઘડાયેલી આ સફર કંપનીના વિકાસ અને લાંબા ગાળાના વિઝનને પ્રતિબિંબિત કરે છે.
‘દસ સાલ બેમિસાલ’ થીમ હેઠળ કંપની તેની વિકાસયાત્રાના મહત્વપૂર્ણ સીમાચિહ્નની ઉજવણી કરી રહી છે. આ સફર દરમિયાન નુવોકોએ વિશ્વસનીય બિલ્ડિંગ મટિરિયલ્સ કંપની તરીકે પોતાની ઓળખ મજબૂત બનાવી છે અને તેના હિસ્સાધારકો માટે સતત મૂલ્યનું સર્જન કરવાની પ્રતિબદ્ધતા દર્શાવી છે. કંપનીનું લક્ષ્ય વધુ સુરક્ષિત, સુંદર અને ટકાઉ વિશ્વના નિર્માણમાં યોગદાન આપવાનું છે.
નુવોકોની વિકાસયાત્રાનો પાયો વર્ષ 2014માં નંખાયો હતો, જ્યારે તેની પેરેન્ટ કંપની નિરમા ગ્રૂપે રાજસ્થાનના નિમ્બોલ ખાતે વાર્ષિક 2 MMTPA ક્ષમતા ધરાવતા ગ્રીનફિલ્ડ સિમેન્ટ પ્લાન્ટની કામગીરી શરૂ કરી હતી. એક ઉત્પાદન એકમ તરીકે શરૂ થયેલી આ સફર સમય જતાં સિમેન્ટ, રેડી-મિક્સ કોંક્રિટ અને આધુનિક બાંધકામ સામગ્રીના વિવિધ વ્યવસાયો ધરાવતી સંસ્થામાં પરિવર્તિત થઈ છે.
ઑક્ટોબર 2016માં લાફાર્જ ઇન્ડિયાના અધિગ્રહણની પ્રક્રિયા પૂર્ણ થવી કંપની માટે એક નિર્ણાયક વળાંક સાબિત થઈ હતી. આ અધિગ્રહણથી કંપનીના વ્યાપમાં નોંધપાત્ર વધારો થયો અને આજની નુવોકોના પાયાને મજબૂતી મળી. આ સાથે લાંબા ગાળાના વિઝન, કાર્યક્ષમતા અને સતત વિકાસના અભિગમ સાથે એક મજબૂત સંસ્થાના નિર્માણની દિશામાં કંપનીએ મહત્વપૂર્ણ પગલું ભર્યું.
નુવોકો વિસ્ટાસ કોર્પ લિમિટેડની સ્થાપના સાથે કંપનીએ પોતાની અલગ ઓળખ અને બ્રાન્ડનું નિર્માણ કર્યું. કર્મચારીઓ, ગ્રાહકો અને બિઝનેસ પાર્ટનર્સ સાથે વિશ્વાસપૂર્ણ સંબંધો વિકસાવવા પર ભાર મૂકવામાં આવ્યો. વર્ષ 2020માં કોવિડ-19 મહામારીને કારણે ઊભી થયેલી વૈશ્વિક અનિશ્ચિતતા વચ્ચે પણ કંપનીએ ઇમામી સિમેન્ટનું અધિગ્રહણ કર્યું, જે હવે NU વિસ્ટા લિમિટેડ તરીકે ઓળખાય છે. આ નિર્ણય ભારતીય બિલ્ડિંગ મટિરિયલ્સ ક્ષેત્રમાં કંપનીના લાંબા ગાળાના વિશ્વાસ અને પડકારજનક સમયમાં પણ રોકાણ કરવાની પ્રતિબદ્ધતાને દર્શાવે છે.
વર્ષ 2021માં નુવોકો એક લિસ્ટેડ કંપની બની, જેના પગલે કંપનીના વિકાસમાં નવા અધ્યાયની શરૂઆત થઈ અને તેના હિસ્સાધારકોનો વ્યાપ વધ્યો. ત્યારબાદ એપ્રિલ 2025માં વદરાજ સિમેન્ટના સમાવેશથી કંપનીની વિકાસયાત્રામાં વધુ એક મહત્વપૂર્ણ સીમાચિહ્ન ઉમેરાયું. આ પગલાથી પશ્ચિમ ભારતમાં કંપનીની હાજરી વધુ મજબૂત બની અને લાંબા ગાળાના વિકાસ પ્રત્યેની તેની પ્રતિબદ્ધતા વધુ સ્પષ્ટ થઈ.
નુવોકો માટે વિકાસનો અર્થ માત્ર ઉત્પાદન ક્ષમતા કે વ્યવસાયનો વિસ્તાર નથી, પરંતુ નવીનતા, કાર્યક્ષમતા, પ્રતિભા વિકાસ, ગ્રાહકો સાથે મજબૂત સંબંધો અને જવાબદારીપૂર્ણ વ્યવસાયિક અભિગમ દ્વારા સતત પ્રગતિ કરવાનો છે. કંપની દરેક હિસ્સાધારક માટે લાંબા ગાળાનું મૂલ્ય સર્જવા પર ધ્યાન કેન્દ્રિત કરી રહી છે.
હાલમાં નુવોકોની સિમેન્ટ ઉત્પાદન ક્ષમતા 27 MMTPA છે અને તેની પાસે 14 ઉત્પાદન એકમો છે. તેમાં ગુજરાતના કચ્છ અને સાચાણા ખાતેના એકમોનો પણ સમાવેશ થાય છે, જેમનું બાંધકામ પૂર્ણતાના અંતિમ તબક્કામાં છે. કંપની સમગ્ર ભારતમાં 58 રેડી-મિક્સ કોંક્રિટ પ્લાન્ટ્સનું સંચાલન કરે છે અને આધુનિક બાંધકામ સામગ્રીના વ્યવસાય હેઠળ ઉત્પાદનો તથા ઉકેલોની વિશાળ શ્રેણી પૂરી પાડે છે.
કંપની FY 2027-28 સુધીમાં પોતાની સિમેન્ટ ઉત્પાદન ક્ષમતા વધારીને 35 MMTPA સુધી પહોંચાડવાનું લક્ષ્ય ધરાવે છે. આ વિસ્તરણ છેલ્લા એક દાયકામાં કંપનીની ઉત્પાદન ક્ષમતામાં નોંધપાત્ર વૃદ્ધિ અને ભવિષ્યના વિકાસ માટેની તેની તૈયારીને દર્શાવે છે.
આ પ્રસંગે નુવોકો વિસ્ટાસ કોર્પ લિમિટેડના ચેરમેન શ્રી હિરેન પટેલે જણાવ્યું હતું કે, “અમે ‘દસ સાલ બેમિસાલ’ની ઉજવણી કરી રહ્યા છીએ ત્યારે હિંમતભર્યા નિર્ણયો, લાંબા ગાળાની પ્રતિબદ્ધતા અને અમારા લોકોની સામૂહિક શક્તિથી ઘડાયેલી આ દાયકાની સફર પર અમને ગૌરવ અને કૃતજ્ઞતાની લાગણી થાય છે. નિમ્બોલ ખાતેની અમારી શરૂઆતથી લઈને આજે એક મજબૂત અને વૈવિધ્યસભર સંસ્થા તરીકેની અમારી ઓળખ સુધીની સફરના દરેક સીમાચિહ્ને નુવોકોની કહાનીમાં એક નવો અધ્યાય ઉમેર્યો છે. આ સફરે લાંબા ગાળાના વિઝન સાથે મજબૂત સંસ્થા ઊભી કરવાની અમારી માન્યતાને વધુ દૃઢ બનાવી છે.”
તેમણે વધુમાં ઉમેર્યું હતું કે, “આગામી દાયકામાં પ્રવેશતાં અમારું ધ્યાન મજબૂત પાયો ઊભો કરવા, નવીનતા અને ટકાઉ વિકાસને પ્રોત્સાહન આપવા તથા ઉચ્ચ કામગીરી કરતી સંસ્થાનું નિર્માણ કરવા પર રહેશે. અમે એવી કાર્યસંસ્કૃતિ વિકસાવવા માગીએ છીએ, જ્યાં લોકો યોગદાન આપવા પર ગૌરવ અનુભવે, પોતાની ક્ષમતાઓનો વિકાસ કરે અને અર્થપૂર્ણ કારકિર્દીનું નિર્માણ કરી શકે. ‘દસ સાલ બેમિસાલ’ અત્યાર સુધીની અમારી સિદ્ધિઓની ઉજવણી કરવાની સાથે મળીને ભવિષ્યમાં હજી વધુ હાંસલ કરવાની અમારી ક્ષમતાની યાદ અપાવે છે. નુવોકોનો વારસો આપણા સૌનો સહિયારો વારસો છે અને મને વિશ્વાસ છે કે આવનારા સમયમાં અમારી સફરના વધુ અનેક પ્રેરણાદાયી અધ્યાયો લખાશે.”
