મુંબઈ, 4 નવેમ્બર, 2026: એસ્સાર પાવરની પુનઃપ્રાપ્ય ઊર્જા શાખા એસ્સાર રિન્યુએબલ્સ લિમિટેડ (ERL) એ આંધ્રપ્રદેશમાં 300 મેગાવોટના ફર્મ એન્ડ ડિસ્પેચેબલ રિન્યુએબલ એનર્જી (FDRE) પ્રોજેક્ટ માટે NHPC લિમિટેડ સાથે પાવર પરચેઝ એગ્રીમેન્ટ (PPA) પર હસ્તાક્ષર કર્યા છે. એસ્સાર પાવર આ પ્રોજેક્ટમાં આશરે ₹4,500 કરોડનું રોકાણ કરશે, જેમાં ભરોસાપાત્ર અને ડિસ્પેચેબલ રિન્યુએબલ પાવર પહોંચાડવા માટે સોલર, વિન્ડ અને બેટરી એનર્જી સ્ટોરેજ સિસ્ટમ્સ (BESS) નો સમન્વય કરવામાં આવશે.
આ પ્રોજેક્ટ એસ્સાર પાવરની પુનઃપ્રાપ્ય, થર્મલ અને ગેસ આધારિત વીજ ઉત્પાદનને આવરી લેતા આશરે 5 GWના વૈવિધ્યસભર ઊર્જા પોર્ટફોલિયોનું નિર્માણ કરવાની વ્યૂહરચનાનો એક ભાગ છે.
આ અંગે પ્રતિક્રિયા આપતાં, એસ્સાર ગ્રૂપના ઓપરેટિંગ પાર્ટનર – ઇન્ફ્રાસ્ટ્રક્ચર, શ્રી શ્રીનિવાસન વૈદ્યનાથને જણાવ્યું હતું કે: “ભારત જેમ ‘વિકસિત ભારત’ના સંકલ્પ તરફ આગળ વધી રહ્યું છે, તેમ તેની આકાંક્ષાઓને ટેકો આપવા માટે એક ભરોસાપાત્ર અને સસ્ટેનેબલ ઊર્જા ઇકોસિસ્ટમનું નિર્માણ કરવું અત્યંત મહત્વપૂર્ણ બની રહેશે. ઊર્જા ક્ષેત્રમાં એસ્સારનો બહોળો અનુભવ, અદ્યતન ટેકનોલોજી તથા ઊભરી રહેલી નવી તકો પરનું અમારું ધ્યાન, અમને ભારતના ઊર્જા વિકાસના આ આગામી તબક્કામાં સહભાગી થવા માટે એક મજબૂત આધાર પૂરો પાડે છે.”
એસ્સાર પાવરના સીઈઓ શ્રી અંકુર કુમારે ઉમેર્યું હતું કે: “એસ્સાર રિન્યુએબલ્સ ખાતે, અમે ભારતના રિન્યુએબલ એનર્જી ક્ષેત્રમાં વધતી જતી તકોનો લાભ ઉઠાવવા માટે સોલર, વિન્ડ અને બેટરી એનર્જી સ્ટોરેજ સિસ્ટમ્સમાં એક મજબૂત પોર્ટફોલિયો બનાવવા પર ધ્યાન કેન્દ્રિત કરી રહ્યા છીએ. NHPC સાથેનો આ 300 મેગાવોટનો FDRE પ્રોજેક્ટ આ સફરમાં એક મહત્વપૂર્ણ સીમાચિહ્ન છે, જે અમારા પોર્ટફોલિયોને વધુ મજબૂત બનાવશે અને સ્કેલેબલ રિન્યુએબલ એનર્જી બિઝનેસ બનાવવાની અમારી પહેલને આગળ વધારશે.”
કેન્દ્રીય ઊર્જા મંત્રાલય હેઠળની ભારત સરકારની નવરત્ન એન્ટરપ્રાઇઝ NHPC લિમિટેડ, ભારતની સૌથી મોટી જળવિદ્યુત વિકાસ સંસ્થા છે. છેલ્લા ઘણા વર્ષોથી NHPC સોલર અને વિન્ડ એનર્જી ક્ષેત્રે પોતાની કામગીરીનું વિસ્તરણ કર્યું છે અને સમગ્ર રિન્યુએબલ એનર્જી ક્ષેત્રે પોતાની ઉપસ્થિતિ વધુ મજબૂત બનાવી રહી છે.
એસ્સાર પાવરની ઊર્જા વ્યૂહરચના ભારતના બદલાતા જતા ઊર્જા પરિદ્રશ્ય પ્રત્યે સંતુલિત અભિગમ દર્શાવે છે, જે ભરોસાપાત્ર પરંપરાગત વીજ ઉત્પાદન સાથે રિન્યુએબલ એનર્જી અને સ્વચ્છ ઊર્જાના ઊભરતા વિકલ્પોમાં રોકાણનો સુમેળ સાધે છે. ભારતના ઔદ્યોગિક અને શહેરી કેન્દ્રોમાં વીજળીની માંગ સતત વધી રહી છે, ત્યારે એસ્સાર પાવર એક એવા સંકલિત ઊર્જા પોર્ટફોલિયોના નિર્માણ પર ધ્યાન કેન્દ્રિત કરી રહ્યું છે જે ઊર્જા સુરક્ષા, ગ્રીડની વિશ્વસનીયતા અને દેશના લો-કાર્બન ભવિષ્ય તરફના પરિવર્તનને સમર્થન આપે. આ પહેલો ભારતીય રાષ્ટ્રીય ઊર્જા પ્રાથમિકતાઓ સાથે સુસંગત છે અને વર્ષ 2030 સુધીમાં 500 GW રિન્યુએબલ એનર્જી ક્ષમતા હાંસલ કરવાના રાષ્ટ્રીય લક્ષ્યમાં યોગદાન આપે છે.
રિન્યુએબલ્સ લિમિટેડ વિશે
એસ્સાર રિન્યુએબલ્સ લિમિટેડ (ERL) એસ્સાર પાવરનો એક ભાગ છે જે ભારતમાં તેમજ આંતરરાષ્ટ્રીય બજારોમાં પુનઃપ્રાપ્ય ઊર્જા સોલ્યુશન્સ વિકસાવવા અને તેનો વ્યાપ વધારવા પર ધ્યાન કેન્દ્રિત કરે છે. કંપની સસ્ટેનેબલ અને લો-કાર્બન ઊર્જા ઇકોસિસ્ટમ તરફના પરિવર્તનને ટેકો આપતા યુટિલિટી-સ્કેલ રિન્યુએબલ એનર્જી, કેપ્ટિવ રિન્યુએબલ પાવર અને ઊભરતા સ્વચ્છ ઊર્જા સોલ્યુશન્સમાં વિવિધ તકો ઊભી કરી રહી છે. એસ્સાર રિન્યુએબલ્સે કેન્દ્રીય જાહેર ક્ષેત્રના ઉપક્રમો (CPSUs) NHPC અને SJVN પાસેથી અંદાજે ~1 GW ની કુલ એવોર્ડ ક્ષમતા ધરાવતી ત્રણ મોટી રિન્યુએબલ એનર્જી ટેન્ડર બિડ્સ પહેલેથી જ મેળવી લીધી છે.
