Virat Gujarat
ગુજરાતધાર્મિકરાષ્ટ્રીયહેડલાઇન

ધર્મના નામે કપટ એ જ ધર્મની ગ્લાની છે : પૂજ્ય મોરારી બાપુ

— જેનો હરિ પર અખંડ પ્રેમ હોય એની પરીક્ષા લેવામાં પ્રભુ પણ નાપાસ થાય છે અને સંત પાસ થાય છે

— ઉજ્જૈનની રામકથામાં મધ્યપ્રદેશના મુખ્યમંત્રી ઉપસ્થિત રહ્યા હતા 

— રામ નામ મેં લીન હૈ દેખત સબમેં રામ, તાકે પદવંદન કરું જય જય જય જલારામ

— ભસ્મ, ભિક્ષા, ભુજંગ ભૂત આ મહાદેવનું સ્વસ્તિક છે

અમદાવાદ, ગુજરાત | ૧૮ નવેમ્બર ૨૦૨૬ | ‘માનસ ભારત સ્વસ્તિક યાત્રા’ (સોપાન 2) ગઈકાલે મહાકાલ મહાદેવની ઉજ્જૈન નગરીમાં પ્રવેશી હતી. કવિ કાલીદાસ અને ભરથરીની પાવન ધરતી પર સાંદીપનિ ઋષિનો આશ્રમ પણ છે જ્યાં ભગવાન શ્રી કૃષ્ણ અને સુદામા ભણ્યા હતાં. સમકથાનો સ્નેહમય સંવાદ આગળ ધપાવતા પરમપ્રિય પરમ સાધુ બાપુએ કહ્યું કે, આ મહાકાલ – મહાદેવની નગરી મને વિશેષ પ્રિય છે. આ ભૂમિ પર કેટકેટલા સ્વસ્તિક રચાયા છે. મહાદેવ પાસે ચાર વસ્તુઓ છે તે સ્વસ્તિક છે. ભસ્મ, ભિક્ષા, ભૂજંગ, અને ભૂત એ મહાકાલનું સ્વસ્તિક છે. જોકે લૌકિક દ્રષ્ટિએ, ઉપરથી આ ચારેય ગણાય – મનાય છે. પણ શંકરના દેહ પર એ મંગલમય ગણાય છે. મહાદેવ તો સ્મશાનની ભસ્મ શરીર લગાડે તો એ એનો શણગાર બની જાય છે. મહાદેવ તો ભિક્ષાધારી છે, ભિક્ષા માંગે છે. અમારે વીરપુર જલારામ બાપાની વાત જાણીતી છે, વિશ્વપ્રસિદ્ધ છે કે, રોટલાની ભિક્ષા તો કોઈ પણ આપે પણ રોટલો ઘડનાર વીરબાઈની ભિક્ષા જલારામ બાપા આપે જેનો હરિપર અખંડ પ્રેમ હોય એની પરીક્ષા ન લેવાય અને હરીપણ એની પરીક્ષા કરે તો એ નાપાસ થાય અને સંત પાસ થાય છે !

એક બીજું સ્વસ્તિક તલગાજરડાને દેખાય છે એ એ છે કે અહીં સીપ્રા નદી તીર્થ છે. ત્રિભુવન તો છે જ સ્વસ્તિક ની ત્રીજી રેખા અહીં તંત્ર સાધના પણ છે. ભૈરવનાથ છે. જોકે તંત્ર વિશે મને વિશેષ રુચિ નહીં પણ તંત્રવિદ્યા છે અને સ્વસ્તિકની ચોથી રેખા એ કે આ ધર્મસ્થાનનો વિકાસ સરસ થઈ રહ્યો છે એને માટે તંત્ર એટલે કે સરકારી તંત્ર અભિનંદનને પાત્ર છે. તીર્થોનો વિકાસ માટે તંત્રના શુભ આયામો કર્મશીલ રહે એ ખૂબ જરૂરી છે, તો આ ભૂમિ પર મને સ્વાસ્તિકમય ચાર રેખાઓ જોવા મળે છે. અન્ય એક સ્વસ્તિક મને માનસમાં દ્રષ્ટિપાત કરું તો દેખાય છે એ રામ, ભારત લક્ષ્મણ, શત્રુઘ્ન એ પણ રામાયણ માનસનું સ્વસ્તિક છે.

ગઈકાલે મહાકાલ મહાદેવની ઉજ્જૈન નગરીમાં પ્રવેશેલી રામકથામાં મધ્યપ્રદેશના મુખ્યમંત્રીશ્રી ઉપસ્થિત રહ્યાં હતા અને એમણે પોતાનો રાજીપો વ્યક્ત કરતા કહ્યું હતું કે, મોરારીબાપુજીની રામકથા આજે એક દિવસ યોજાઈ છે તો મને લાગે છે કે 2028 માં ઉજ્જૈનમાં સિંહસ્થ કુંભમેળો યોજવાનો છે એની શરૂઆત આજથી જ શરૂ થઈ ગઈ છે.

બાપુએ પણ રાજપીઠ આજે વ્યાસપીઠ પાસે આવી છે એની પ્રસન્નતા પ્રગટ કરી ને મુખ્યમંત્રીનું સ્વાગત કર્યું હતું. મુખ્યમંત્રીશ્રી એ વ્યાસપીઠ અને બાપુની ભાવ વંદના કરી આશીર્વાદ મેળવ્યા હતાં.

વધુમાં અંતે પૂજ્ય શ્રી બાપુએ કથા રત્નો રજૂ કરતા કહ્યું કે, ઉજ્જૈનમાં રામકથા કરવા માટે આ જગ્યા એક મુસ્લીમે આપી છે. 2028 માં ઉજ્જૈનમાં સિંહસ્થ કુંભમેળો છે ત્યારે પણ પોથી લઈને આવીશ અને ‘માનસ મહાદેવ’ રામકથાનું ગાન કરીશું. પૂજ્ય શ્રી બાપુએ અંતમાં કહ્યું કે, સનાતન ધર્મના મૂળ અક્ષુણ- અખંડ રાખજો, બાપ !

== સમાપ્ત ==

Related posts

14 દેશોમાં કાર્યરત Brainy ની 8મી રાષ્ટ્રીય સ્પર્ધામાં 2,500થી વધુ બાળકોનો બૌદ્ધિક ઉજાસ

viratgujarat

માસ્કરેડ થીમ સાથે BNI ગરબા નવરાત્રિ પર્વની ઉજવણીનો પ્રારંભ કરશે

viratgujarat

મનીબોક્સ ફાઇનાન્સ સૌરાષ્ટ્ર T20 લીગમાં ટીમ અનમોલ કિંગ્સ હાલાર સાથે સહયોગી સ્પોન્સર તરીકે જોડાઈ

viratgujarat

Leave a Comment