Virat Gujarat
બિઝનેસ

ચોમાસામાં સ્વાસ્થ્ય ક્લેમ: શું તમારો ઈન્સ્યોરન્સ કવર મોસમી જોખમો સામે તૈયાર છે?

ભારે વરસાદને કારણે અવારનવાર ડેન્ગ્યુ, મલેરિયા, ટાઈફોઈડ, વાયરલ ફીવર, લેપ્ટોસ્પાયરોસિસ અને અન્ય વેક્ટર-જન્ય અથવા પાણીજન્ય ચેપમાં વધારો થાય છે.

પોલિસીબજારના હેલ્થ ઈન્સ્યોરન્સના હેડ – સિદ્ધાર્થ સિંઘલે જણાવ્યું હતું કે, “એક સ્ટાન્ડર્ડ હેલ્થ ઈન્સ્યોરન્સ પોલિસી આ બીમારીઓ માટે હોસ્પિટલમાં લેવાતી સારવારને કવર કરી શકે છે, પરંતુ અંતિમ ક્લેમનો આધાર પોલિસીની શરતો અને સારવારના પ્રકાર પર રહેલો છે.”

ડેન્ગ્યુ, મલેરિયા, ટાઈફોઈડ, વાયરલ ફીવર જેવી ચોમાસા સંબંધિત બીમારીઓ સામાન્ય રીતે સ્ટાન્ડર્ડ હેલ્થ ઈન્સ્યોરન્સ પોલિસી હેઠળ કવર થાય છે, શરત માત્ર એ છે કે સારવાર માટે ઓછામાં ઓછું ૨૪ કલાક હોસ્પિટલમાં દાખલ થવું જરૂરી છે.

જ્યારે વિમાધારક હોસ્પિટલમાં દાખલ થાય છે, ત્યારે પાત્ર ખર્ચાઓમાં હોસ્પિટલાઈઝેશન, ડાયગ્નોસ્ટિક ટેસ્ટ, દવાઓ, ડૉક્ટરનું કન્સલ્ટેશન અને અન્ય તબીબી સારવારનો સમાવેશ થઈ શકે છે. પોલિસીમાં દર્શાવેલ મર્યાદાઓ અને શરતોને આધીન, હોસ્પિટલમાં દાખલ થયા પહેલાના અને રજા મળ્યા પછીના ખર્ચાઓ પણ કવર થઈ શકે છે.

કેટલીક પોલિસીઓ ઓછા સમયના રોકાણને પણ કવર કરી શકે છે જો હોસ્પિટલાઈઝેશન વિમા કંપનીની ન્યૂનતમ સમયગાળાની આવશ્યકતા પૂરી કરતું હોય અથવા ‘ડે-કેર પ્રોસિજર’ તરીકે પાત્ર ઠરતું હોય. જો કે, માત્ર આઉટપેશન્ટ (OPD) ધોરણે લેવાયેલી સારવાર સામાન્ય રીતે સ્ટાન્ડર્ડ હોસ્પિટલાઈઝેશન પ્લાનની બહાર હોય છે.

પોલિસીબજારના હેલ્થ ઈન્સ્યોરન્સના હેડ –  સિદ્ધાર્થ સિંઘલે વધુમાં જણાવ્યું હતું કે, “ડેન્ગ્યુ, મલેરિયા, ટાઈફોઈડ, વાયરલ ફીવર, લેપ્ટોસ્પાયરોસિસ અને અન્ય વેક્ટર-જન્ય કે પાણીજન્ય ચેપ માટેનું હોસ્પિટલાઈઝેશન હેલ્થ ઈન્સ્યોરન્સ હેઠળ કવર થાય છે. કવરેજમાં હોસ્પિટલાઈઝેશન, ડૉક્ટરની ફી, દવાઓ, ડાયગ્નોસ્ટિક પ્રક્રિયાઓ અને અન્ય માન્ય તબીબી ખર્ચાઓનો સમાવેશ થાય છે.”

OPD કન્સલ્ટેશન, દવાઓ અને ટેસ્ટ સામાન્ય રીતે ત્યારે જ કવર થાય છે જ્યારે પોલિસીમાં OPD બેનિફિટ અથવા કોઈ ચોક્કસ એડ-ઓન  સામેલ હોય. હોસ્પિટલાઈઝેશન વગર કરાવેલા ટેસ્ટ પણ સ્ટાન્ડર્ડ પ્લાન હેઠળ બાકાત રહી શકે છે.

પોલિસીધારકોએ પહેલા તપાસવું જોઈએ કે તેમની પોલિસીમાં રૂમ-રેન્ટની કોઈ મર્યાદા છે કે નહીં. મંજૂર થયેલી શ્રેણી કરતાં મોંઘો રૂમ પસંદ કરવાથી માત્ર રૂમના ચાર્જ પર જ નહીં, પરંતુ સમગ્ર ક્લેમ પર પ્રમાણસર કાપ આવી શકે છે. પોલિસીધારકોએ તેમની સારવાર માટે કોઈપણ હોસ્પિટલ પસંદ કરતા પહેલા તેમની રૂમ રેન્ટની પાત્રતા વિશે જાણકારી રાખવી જરૂરી છે; અન્યથા, સમગ્ર ક્લેમમાં પ્રમાણસર કાપ આવી શકે છે.

પરિવારોએ પ્રારંભિક પ્રતીક્ષા અવધિ  પણ ચકાસવી જોઈએ, ખાસ કરીને નવી ખરીદેલી પોલિસીઓ માટે. બીમારીઓ માટેનું કવરેજ સામાન્ય રીતે પ્રારંભિક ૩૦ દિવસના વેઈટિંગ પીરિયડ પછી જ શરૂ થઈ શકે છે. પૂર્વ-મોજૂદ બીમારીઓના ક્લોઝ, કો-પેમેન્ટ,  સબ-લિમિટ્સ અને બાકાત રખાયેલી બાબતોની પણ સમીક્ષા કરવી જોઈએ.

ગ્લોવ્ઝ, માસ્ક અને સિરિંજ જેવી વપરાશી વસ્તુઓ ઘણીવાર બાકાત રાખવામાં આવે છે, સિવાય કે પોલિસીમાં કન્ઝ્યુમેબલ્સ બેનિફિટ અથવા એડ-ઓન હોય. કેશલેસ અને રીઈમ્બર્સમેન્ટ બંને પ્રકારના ક્લેમ માટે ડૉક્ટરના પ્રિસ્ક્રિપ્શન, ટેસ્ટ રિપોર્ટ, ડિસ્ચાર્જ સમરી, હોસ્પિટલના બિલ અને ફાર્મસીની પહોંચ (રસીદો) સાચવી રાખવી તેટલી જ મહત્વપૂર્ણ છે.

સિંઘલ કહે છે, “પોલિસીધારકોએ વેઈટિંગ પીરિયડ (ખાસ કરીને નવી ખરીદેલી પોલિસીઓમાં જ્યાં અમુક બીમારીઓ તરત જ કવર થતી નથી), PED ક્લોઝ, રૂમ રેન્ટ લિમિટ, કો-પે ક્લોઝ, સબ-લિમિટ્સ જેવી શરતોની સમીક્ષા કરવી જોઈએ — જે ક્લેમ દરમિયાન પોતાના ખિસ્સામાંથી થતા ખર્ચમાં વધારો કરી શકે છે.”

ઇમરજન્સી વખતે નજીકની નેટવર્ક હોસ્પિટલો વિશે જાણકારી હોવી ખૂબ ઉપયોગી સાબિત થઈ શકે છે. નેટવર્ક ફેસિલિટીમાં સારવાર લેવાથી પોલિસીધારક મંજૂરી અને પોલિસીની શરતોને આધીન કેશલેસ સેટલમેન્ટ મેળવી શકે છે.

Related posts

ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયાએ ભારત ઇલેક્ટ્રોનિક્સ યાત્રા શરૂ કરી

viratgujarat

પાપડમલજી એગ્રો ફૂડ્સ લિમિટેડનો IPO 29મી સપ્ટેમ્બરે ખુલશે; શેર દીઠ રૂ. 69 થી રૂ. 72ની પ્રાઇસ બેન્ડ નક્કી કરવામાં આવી છે.

viratgujarat

અલગ દેખાવા માટે ડિઝાઇન: POVA 8 નું વેચાણ 18 જૂનથી સમગ્ર ભારતમાં શરૂ થશે

viratgujarat

Leave a Comment