શાઓમી ઇન્ડિયા એ આજે ભારતની સૌથી વિશ્વસનીય સ્માર્ટફોન સિરીઝના નવીનતમ સ્માર્ટફોન રેડમી નોટ 17 5જી ના લોન્ચની જાહેરાત કરી. બેટરી સમાપ્ત થવાની ચિંતા દૂર કરવાના ઉદ્દેશ્ય સાથે તૈયાર કરવામાં આવેલ રેડમી નોટ 17 , રેડમીની અત્યાર સુધીની સૌથી મોટી 8000 એમએએચ સિલિકોન–કાર્બન બેટરી, પ્રીમિયમ ટ્રુકલર એમોલેડ ડિસ્પ્લે, વિશ્વસનીય સ્નેપડ્રેગન પરફોર્મન્સ અને લાંબા ગાળાના સોફ્ટવેર સપોર્ટ સાથે સંપૂર્ણ સ્માર્ટફોન અનુભવ પ્રદાન કરે છે.
રેડમી નોટ 17માં રેડમીની અત્યાર સુધીની સૌથી મોટી 8000 એમએએચ સિલિકોન–કાર્બન બેટરી આપવામાં આવી છે, જે સામાન્ય ઉપયોગ દરમિયાન 3 દિવસ સુધીની બેટરી લાઇફ પ્રદાન કરે છે, જ્યારે તેની 8.4 મીમીની સ્લિમ પ્રોફાઇલ જાળવી રાખે છે. આ સ્માર્ટફોન 45 વોટ ટર્બો ચાર્જિંગને સપોર્ટ કરે છે અને ચાર્જર બોક્સમાં જ ઉપલબ્ધ કરાવવામાં આવ્યો છે. આ ઉપરાંત તેમાં 22.5 વોટ રિવર્સ વાયરડ ચાર્જિંગની સુવિધા પણ આપવામાં આવી છે. તેની બેટરીને ટીયુવી પ્રમાણિત લાંબી આયુષ્ય પ્રાપ્ત છે, જે 1,600 ચાર્જિંગ સાયકલ્સ પછી પણ તેની મૂળ ક્ષમતાના 80% સુધીનું બેટરી સ્વાસ્થ્ય જાળવી રાખે છે.
દૈનિક મનોરંજનના અનુભવને વધુ શાનદાર બનાવવા માટે, આ સ્માર્ટફોનમાં 12.75 સેમી (6.9 ઇંચ) ટ્રુકલર એમોલેડ ડિસ્પ્લે આપવામાં આવ્યું છે, જેમાં 120 હર્ટ્ઝ અડેપ્ટિવસિંક રિફ્રેશ રેટ, 100% ડીસીઆઈ–પી3 કલર ગેમટ અને 1800 નિટ્સ સુધીની પીક બ્રાઇટનેસ ઉપલબ્ધ છે. વધુ સારા અનુભવ માટે તેમાં 200% વોલ્યુમ સ્પીકર્સ, ભીના હાથમાં પણ વધુ સારી ટચ પ્રતિક્રિયા માટે હાઇડ્રોટચ 2.0, તેમજ વધુ આરામદાયક જોવાના અનુભવ માટે ટીયુવી રીનલેન્ડ આઈ કેર પ્રમાણપત્ર પણ સામેલ છે.
અદ્યતન 4 નેનોમીટર પ્રોસેસ પર આધારિત સ્નેપડ્રેગન 4 જેન 4 મોબાઇલ પ્લેટફોર્મથી સજ્જ રેડમી નોટ 17 ઉત્તમ દૈનિક કામગીરી સાથે વધુ સારી પાવર કાર્યક્ષમતા પણ પ્રદાન કરે છે. તેમાં 16 જીબી સુધીની રેમ (મેમરી એક્સ્ટેન્શન સહિત), 2 ટેરાબાઇટ સુધીનું એક્સપાન્ડેબલ સ્ટોરેજ, 10,416 મીમી² ગ્રેફાઇટ કૂલિંગ સિસ્ટમ અને શાઓમી નું લૉન્ગ–ટર્મ ફ્લુએન્સી એન્જિન આપવામાં આવ્યું છે, જેના કારણે આ ડિવાઇસને 48 મહિના સુધી સ્મૂથ કામગીરી આપવા માટે તૈયાર કરવામાં આવ્યું છે.
ફોટોગ્રાફી માટે રેડમી નોટ 17માં 50 મેગાપિક્સલ એઆઈ ડ્યુઅલ રિયર કેમેરા અને 8 મેગાપિક્સલ એઆઈ ફ્રન્ટ કેમેરા આપવામાં આવ્યા છે. તેની સાથે નાઇટ મોડ, એઆઈ એચડીઆર , ડાયનેમિક શૉટ્સ, એઆઈ એડિટર અને 2x ઇન–સેન્સર ઝૂમ જેવા એઆઈ આધારિત ફીચર્સ ઉપલબ્ધ છે, જે દરેક ક્ષણને ઉત્તમ ગુણવત્તા સાથે કૅપ્ચર કરવામાં મદદ કરે છે.
એન્ડ્રોઇડ 16 આધારિત હાઇપરઓએસ 3 પર ચાલતો રેડમી નોટ 17, 4 વર્ષ સુધીનાએન્ડ્રોઇડ અપડેટ્સ અને 6 વર્ષ સુધીના સુરક્ષા અપડેટ્સ સાથે આવે છે. સ્માર્ટફોનમાં વધારાની મજબૂતી માટે કોર્નિંગ ગોરિલ્લા ગ્લાસ 7 આઈ , ધૂળ અને પાણીથી સુરક્ષા માટેઆઈપી65 રેટિંગ આપવામાં આવ્યું છે. આ સ્માર્ટફોન ડાર્ક નાઇટ, આર્કટિક બ્લૂ અને સ્ટારલાઇટ પર્પલ રંગોમાં ઉપલબ્ધ થશે.
