અમદાવાદ, ૨5 ઓગસ્ટ ૨૦૨૬: Delhi Public School-Bopal, અમદાવાદ ખાતે ‘SRIJAN 2026′ ખરેખર અદ્ભુત અને પ્રેરણાદાયી રહ્યું! આ આખા આંતર-શાળા ઉત્સવ દરમિયાન શાળાનું સમગ્ર કેમ્પસ જાણે વિદ્યાર્થીઓની અનંત કલ્પનાશક્તિ, આંતરિક શક્તિ અને નવીન વિચારોના તેજથી ઝળહળી ઊઠ્યું હતું. દરેક ખૂણે બાળકોના સપનાઓ અને તેમની આંતરિક શક્તિનો ચમકારો સ્પષ્ટ દેખાતો હતો.
આ ભવ્ય આંતર-શાળા આયોજનમાં અમદાવાદ શહેરની 34 જેટલી નામાંકિત શાળાઓમાંથી આવેલા આશરે 850થી વધુ ઉત્સાહી વિદ્યાર્થીઓએ ભાગ લીધો હતો. સમગ્ર કાર્યક્રમનો પ્રારંભ ભારતની અદભુત વિવિધતા અને સંસ્કૃતિની ઝાંખી કરાવતી પ્રસ્તુતિ સાથે થઈ હતી.
DPS Bopal, અમદાવાદના પ્રિન્સિપાલ શ્રીમતી સબીના સાહનીએ ‘SRIJAN 2026′ માં ઉપસ્થિત તમામ નિર્ણાયકો, માર્ગદર્શક શિક્ષકો અને ઉત્સાહી સ્પર્ધકોનું ઉષ્માભર્યું સ્વાગત કર્યું હતું. આ પ્રસંગે વિદ્યાર્થીઓને પ્રેરણા આપતાં તેમણે ખૂબ જ સુંદર અને ઊંડી વાત કહી કે, “જીવનમાં જીત અને હાર તો એક જ સિક્કાની બે બાજુઓ છે. વિજય આપણી અંદર એક નવો આત્મવિશ્વાસ જગાડે છે, જ્યારે પરાજય આપણને નિરાશ થવાને બદલે નવી શીખ આપે છે અને આગળ વધવા માટે વધુ મહેનત કરવાની સાચી પ્રેરણા પૂરી પાડે છે.”
‘SRIJAN 2026’ ના મંચ પર બાળકોની વિવિધ કળા અને કૌશલ્યને ખીલવતી અનેકવિધ રસપ્રદ સ્પર્ધાઓ યોજાઈ હતી. જેમાં કલાયતન, નૃત્યાંજલિ, બીટ ધ ગ્રાન્ડમાસ્ટર, બુક જેકેટ ડિઝાઇનિંગ, ઓરેટોરિયા, વર્કિંગ મેથ મોડેલ, તુરંત તરંગ, ટેક્નોવાન્ઝા, રોબોવિઝાર્ડ, ડીપીએસ કા ચાણક્ય, કાવ્યાંજલિ, આર.જે./ટ્રાવેલ ઇન્ફ્લુઅન્સર, ગીતા શ્લોક ગાન અને કલારચના જેવી સ્પર્ધાઓ મુખ્ય આકર્ષણનું કેન્દ્ર બની હતી. આ તકે ઉપસ્થિત વિવિધ ક્ષેત્રના નિષ્ણાત નિર્ણાયકોએ બાળકોના અદભુત પ્રદર્શન અને મૌલિક વિચારોની ખુલ્લા મનથી પ્રશંશા કરી હતી અને તેમને ભવિષ્યમાં વધુ શ્રેષ્ઠ દેખાવ કરવા માટે યોગ્ય અને પ્રેરણાદાયી માર્ગદર્શન પણ પૂરું પાડ્યું હતું.
‘SRIJAN 2026’ કાર્યક્રમના અંતિમ ચરણમાં યોજાયેલા ભવ્ય ઇનામ વિતરણ સમારંભમાં DPS શાળાના આબેહૂબ બેન્ડ દ્વારા રજૂ કરાયેલી સુંદર અને સંગીતમય પ્રસ્તુતિએ સમગ્ર વાતાવરણમાં એક નવો ઉત્સાહ અને રોમાંચ ભરી દીધો હતો. આ સ્પર્ધાત્મક મહોત્સવની તમામ સ્પર્ધાઓમાં સતત શ્રેષ્ઠ અને ઉત્કૃષ્ટ પ્રદર્શન કરવા બદલ ‘ઝાયડસ સ્કૂલ ફોર એક્સેલન્સ – ગોધાવી’ને અત્યંત આદરણીય એવી પ્રતિષ્ઠિત ‘સર્જનશ્રી રોલિંગ ટ્રોફી’ એનાયત કરીને બહુમાન કરવામાં આવ્યું હતું.
આ ભવ્ય અને સફળ આયોજન સાથે Delhi Public School-Bopal, એ માત્ર એક ઉત્સવની ઉજવણી જ નથી કરી, પરંતુ બાળકોના સર્વાંગી વિકાસ, તેમની સુષુપ્ત શક્તિઓને બહાર લાવવા અને ભવિષ્યના સક્ષમ તેમજ જવાબદાર નાગરિકો તૈયાર કરવા માટેની પોતાની નિષ્ઠા અને કટિબદ્ધતા ફરી એકવાર સાચા અર્થમાં પુરવાર કરી દર્શાવી છે.
