Month : August 2026

જિયો ફાઇનાન્સિયલ સર્વિસિસ લિમિટેડ (જેએફએસએલ) અને બ્લેકરોક* વચ્ચેના 50:50ના સંયુક્ત સાહસ (જેવી), જિયો બ્લેકરોક એસેટ મેનેજમેન્ટ પ્રાઇવેટ લિમિટેડ (જિયોબ્લેકરોક એસેટ મેનેજમેન્ટ) એ આજે જાહેરાત કરી છે કે તે 17 ઓગસ્ટ, 2026થી તેની તમામ પાત્ર મ્યુચ્યુઅલ ફંડ સ્કીમ્સમાં રેગ્યુલર પ્લાન્સ રજૂ કરશે. સમગ્ર ભારતમાં રોકાણકારો માટે રોકાણને વધુ સુલભ, સમાવેશી અને અનુકૂળ બનાવવાના તેના મિશનમાં આ એક મહત્વપૂર્ણ સીમાચિહ્નરૂપ પગલું છે. તેના મ્યુચ્યુઅલ ફંડ વ્યવસાયની શરૂઆતથી જ, જિયોબ્લેકરોક એસેટ મેનેજમેન્ટે રોકાણકારો માટે સરળ અને ડિજિટલ રોકાણનો અનુભવ તૈયાર કરવા પર ધ્યાન કેન્દ્રિત કર્યું છે. રેગ્યુલર પ્લાન્સની રજૂઆત સાથે, રોકાણકારો હવે રજિસ્ટર્ડ મ્યુચ્યુઅલ ફંડ ડિસ્ટ્રબ્યુટર્સ દ્વારા પણ રોકાણ કરી શકશે, જેનાથી તેમને જિયોબ્લેકરોકની રોકાણ ઓફર્સ સાથે જોડાવા અને તેનો લાભ મેળવવામાં વધુ વિકલ્પો મળશે. આ પગલું કંપનીના વિતરણના વ્યાપને વધારે છે, સાથે જ વિવિધ માધ્યમો દ્વારા રોકાણકારોને સર્વિસ આપવા અને ભારતના ઝડપથી વિકસતા નાણાકીય સલાહકાર ઇકોસિસ્ટમ સાથે ભાગીદારી કરવાની તેની પ્રતિબદ્ધતાને મજબૂત બનાવે છે. જિયોબ્લેકરોક એસેટ મેનેજમેન્ટના મેનેજિંગ ડિરેક્ટર અને ચીફ એક્ઝિક્યુટિવ ઓફિસર સિદ સ્વામિનાથને જણાવ્યું હતું કે: “જિયોબ્લેકરોક એસેટ મેનેજમેન્ટ ખાતે, અમારો ઉદ્દેશ્ય સરળ, સુલભ અને રોકાણકાર-કેન્દ્રિત સમાધાનો દ્વારા નાણાકીય બજારો દ્વારા ઓફર કરવામાં આવતી વૃદ્ધિની તકોમાં રોકાણકારોને સહભાગી થવામાં મદદ કરવાનો છે. એસઆઈએફ પ્લેટફોર્મ હેઠળ તાજેતરમાં લોન્ચ કરાયેલા અમારા પ્રિઝમ હાઇબ્રિડ લોંગ-શોર્ટ ફંડમાં જોવા મળેલો મજબૂત રસ, વિશિષ્ટ રોકાણ સમાધાનો માટે રોકાણકારોની વધતી માગને પ્રતિબિંબિત કરે છે. જેમ જેમ અમે અમારી પ્રોડક્ટ ઓફરિંગનો વિસ્તાર કરી રહ્યા છીએ, તેમ તેમ અમે વિતરકો સાથેની અમારી ભાગીદારીને વધુ મજબૂત બનાવી રહ્યા છીએ, જે અમારા હાલના માધ્યમોને પૂરક બનશે અને વધુ રોકાણકારો સુધી અમારા સમાધાનો પહોંચાડવામાં મદદ કરશે. રેગ્યુલર પ્લાન્સની રજૂઆત એ અમારા સમાધાનો સુધીની પહોંચને વિસ્તૃત કરવા માટેનું એક મહત્વપૂર્ણ પગલું છે, જે રોકાણકારોને કેવી રીતે રોકાણ કરવું તે અંગે વધુ પસંદગી આપે છે અને સાથે જ અમને ભારતના ગતિશીલ વિતરણ ઇકોસિસ્ટમ સાથે વધુ નજીકથી ભાગીદારી કરવા સક્ષમ બનાવે છે.” જિયોબ્લેકરોક એસેટ મેનેજમેન્ટના ચીફ બિઝનેસ ઓફિસર રાજીવ છાબ્રિયાએ જણાવ્યું હતું કે: “રોકાણકારોમાં વધતી જાગૃતિ, વધતી જતી સહભાગિતા અને શહેરો તથા નગરોમાં ઊંડા પ્રવેશને કારણે ભારતનો મ્યુચ્યુઅલ ફંડ ઉદ્યોગ વૃદ્ધિના નવા તબક્કામાં પ્રવેશી રહ્યો છે. આ ઉત્ક્રાંતિના કેન્દ્રમાં વિતરકો હંમેશાં રહ્યા છે, જે સમગ્ર દેશમાં નવા રોકાણકારો સુધી રોકાણને પહોંચાડવામાં મદદ કરે છે. રેગ્યુલર પ્લાન્સની રજૂઆત દ્વારા, અમે વિતરકો સાથે અર્થપૂર્ણ અને લાંબા ગાળાની ભાગીદારી બનાવવા માટે આતુર છીએ, સાથે જ અમારા રોકાણ સમાધાનોને રોકાણકારોના વિશાળ વર્ગ માટે સુલભ બનાવી રહ્યા છીએ.” લાગુ પડતી નિયમનકારી જરૂરિયાતો અનુસાર, 17 ઓગસ્ટ, 2026થી પાત્ર જિયોબ્લેકરોક મ્યુચ્યુઅલ ફંડ યોજનાઓમાં રેગ્યુલર પ્લાન્સ ઉપલબ્ધ થશે. રોકાણકારો એમ્પેનલ્ડ મ્યુચ્યુઅલ ફંડ વિતરકો દ્વારા આ પ્લાન્સ મેળવી શકશે. એમએફડી હવે જિયોબ્લેકરોકના સમર્પિત ઓનલાઇન પોર્ટલ jioblackrock.camsonline.com/empanelment દ્વારા ડિજિટલ રીતે એમ્પેનલ થઈ શકે છે, જે વધુ ઝડપી, સરળ અને સીમલેસ ઓનબોર્ડિંગ અનુભવને સક્ષમ બનાવે છે. રેગ્યુલર પ્લાન્સની રજૂઆત એ જિયોબ્લેકરોક એસેટ મેનેજમેન્ટની વિકાસ યાત્રામાં વધુ એક મહત્વપૂર્ણ પગલું છે. તે ભારતના સૌથી સુલભ અને રોકાણકાર-કેન્દ્રિત એસેટ મેનેજમેન્ટ વ્યવસાયોમાંના એકનું નિર્માણ કરવા માટે બ્લેકરોકની વૈશ્વિક રોકાણ નિપુણતા અને ટેકનોલોજી ક્ષમતાઓને જિયોની ડિજિટલ પહોંચ અને ગ્રાહક-કેન્દ્રિત અભિગમ સાથે જોડવાના તેના વ્યાપક વિઝનને સમર્થન આપે છે....