ભારતની ક્રિએટર ઇકૉનૉમીએ આજે સંગીત જગતમાં સૌથી વિશ્વસનીય ડગ માંડ્યું. દેશની પ્રથમ ઇન્ટિગ્રેટેડ ક્રિએટર-ફર્સ્ટ કંપની સમર્યા ક્રિએશને મુંબઈના ધ ક્લબ, અંધેરી વેસ્ટ ખાતે ઔમોરા મ્યુઝિકના સત્તાવાર લૉન્ચની જાહેરાત કરી – અને તેના સ્થાપક ભાગીદાર છે ગિનીઝ વર્લ્ડ રેકૉર્ડધારક ગીતકાર સમીર અંજાન.
આ માત્ર એક મ્યુઝિક લેબલ નથી. આ એ સવાલનો જવાબ છે જે ભારતીય સંગીત ઉદ્યોગ લાંબા સમયથી ટાળી રહ્યો હતો – જ્યાં અૅલ્ગોરિધમ નહીં, કલાકાર નક્કી કરે કે સંગીત કેવું હોવું જોઈએ.
ચાર દાયકામાં ૬૪૦થી વધુ હિન્દી ફિલ્મો માટે ૪,૦૦૦ ઉપરાંત ગીતો લખનારા સમીર અંજાન અહીં બ્રૅન્ડ એમ્બૅસેડર નહીં – ઘડવૈયા છે. ઔમોરા મ્યુઝિક પહેલેથી જ ૧૫૦+ પ્લૅટફૉર્મ પર ૧૯ ટ્રૅક્સ સાથે લાઇવ છે, ૧૫૦+ ઓરિજિનલ કૉમ્પોઝિશન્સ રિલીઝ માટે તૈયાર – બૉલિવૂડ, ભક્તિ, લોક, બાળ સંગીત, રૅપ અને કૉન્ટૅમ્પરરી પૉપ – તમામ શૈલીઓમાં.
“મેં ૪,૫૦૦ ગીતો લખ્યાં છે. શું ટકે છે અને શું બીજી સવારે ભૂલાઈ જાય છે, એ હું જાણું છું. ઔમોરા મ્યુઝિક એ કલાકારોનું ઘર છે જેઓ ખરેખર કંઈ કહેવા માગે છે.” -સમીર અંજાન, સ્થાપક, ઔમોરા મ્યુઝિક
લેબલના ક્રિએટિવ એન્જિન છે સંગીતકારો નીલ ગાંધી (ભૂતપૂર્વ MBBS ડૉક્ટર) અને નિરજ વિશ્વકર્મા (કૉમ્પ્યુટર સાયન્સથી સંગીત સુધીની સફર) – બે એવા નામ જેઓ પ્રવાહ સામે તરીને અહીં પહોંચ્યા છે.
લેબલનો પ્રથમ મૉર્ક્વી આર્ટિસ્ટ છે Jaexellejay – અસલ નામ અજય – એક રૅપર જે એક સમયે Zomato ડિલિવરી બૉય હતો, જેણે સ્વતંત્ર રીતે ૨૨ ગીતો બનાવ્યાં – સૌ સામાજિક સત્ય પર. હવે તે સમીર અંજાનના માર્ગદર્શન હેઠળ સમગ્ર ક્રિએટર ઇકોસિસ્ટમ સાથે આગળ વધશે.
ઔમોરા મ્યુઝિકનો ૨૦૨૬–૨૦૩૨ રોડ-મૅપ ત્રણ સ્તંભ પર ઊભો છે: મ્યુઝિક પબ્લિશિંગ અને લાઇસૅન્સિંગ, લાઇવ પર્ફૉર્મૅન્સ, અને આર્ટિસ્ટ ડૅવૅલૉપ્મૅન્ટ. ૨૦૨૮ સુધીમાં ૫૦૦+ ઓરિજિનલ ટ્રૅક્સ, ૮ મેટ્રો શહેરોમાં ટૂર, UAE, UK, ઉત્તર અમેરિકામાં ડાઇઍસ્પોરા કૉન્સર્ટ – આ માત્ર એક લૉન્ચ નહીં, એક ચળવળની શરૂઆત છે.
“આપણે ઘોંઘાટ વધારવા આવ્યા નથી. ભારતીય સંગીત શું હોઈ શકે તે બદલવા આવ્યા છીએ.” – મનોજ અગ્રવાલ, MD, સમર્યા ક્રિએશન
વિતરણની જવાબદારી Phonographic Digital Limited (PDL) પાસે – ૧,૩૦૦+ લેબલ્સ અને ૪૬,૦૦૦+ રાઇટ્સ ઓનર્સ સાથે, દરેક સ્ટ્રીમ ગણાશે, દરેક કલાકારને તેનો હક્ક મળશે.
