અમદાવાદ: IIT રૂરકી દ્વારા જાહેર કરાયેલા JEE એડવાન્સ્ડના પરિણામોમાં એલન અમદાવાદે ઉત્કૃષ્ટ પ્રદર્શન કર્યું છે. એલન
અમદાવાદના વિદ્યાર્થીઓએ પરિણામોની ગુણવત્તા (ક્વોલિટી) અને સંખ્યા (ક્વોન્ટિટી) બંનેમાં પોતાની શ્રેષ્ઠતા સાબિત કરી છે.
એલન (ALLEN) ના ઝોનલ હેડ અને વાઇસ પ્રેસિડેન્ટ પંકજ કાબરાએ જણાવ્યું હતું કે, સંસ્થાના ક્લાસરૂમ વિદ્યાર્થી જયંત ગર્ગે ઓલ ઇન્ડિયા રેન્ક (AIR) 340 મેળવ્યો છે. તેની સાથે અર્ચિત બલોદિયાએ ઓલ ઇન્ડિયા રેન્ક 348 મેળવ્યો છે. આ બંને હોનહાર વિદ્યાર્થીઓએ દેશના ટોપ 500માં સ્થાન મેળવ્યું છે. આ ઉપરાંત, ક્રુતાર્થ પટેલે AIR 520 મેળવ્યો છે. એકંદર પરિણામોની વાત કરીએ તો, એલન અમદાવાદના 7 વિદ્યાર્થીઓ ટોપ 1000માં, 23 વિદ્યાર્થીઓ ટોપ 2000માં, 46 વિદ્યાર્થીઓ ટોપ 5000માં અને 76 વિદ્યાર્થીઓ ટોપ 10000માં સામેલ છે.
એટલું જ નહીં, કાઉન્સેલિંગ માટે ક્વોલિફાય થનારા વિદ્યાર્થીઓની સંખ્યાની દ્રષ્ટિએ, એલન અમદાવાદે કોઈપણ સંસ્થામાંથી
સમગ્ર ગુજરાતમાં સૌથી વધુ સિલેક્શન (પસંદગી) નોંધાવીને નવો કીર્તિમાન સ્થાપિત કર્યો છે. એલન અમદાવાદના કુલ 175
વિદ્યાર્થીઓ કાઉન્સેલિંગ માટે લાયક ઠર્યા છે , જે ગયા વર્ષના 123 ક્વોલિફાય થયેલા વિદ્યાર્થીઓની સરખામણીએ મોટો ઉછાળો
દર્શાવે છે.
રાષ્ટ્રીય સ્તરે એલનનો ઐતિહાસિક રેકોર્ડ: રાષ્ટ્રીય પરિણામોમાં, એલન કરિયર ઇન્સ્ટિટ્યૂટે સતત ત્રીજા વર્ષે ઓલ ઇન્ડિયા રેન્ક 1
આપીને દેશમાં એક નવો રેકોર્ડ બનાવ્યો છે. આ પરિણામો સાથે, એલને અત્યાર સુધીમાં IIT-JEEમાં કુલ 7 ઓલ ઇન્ડિયા રેન્ક
1 વિજેતાઓ આપ્યા છે અને પોતાના ઇતિહાસમાં બીજી વખત ઓલ ઇન્ડિયા રેન્ક 1, 2 અને 3 ત્રણેય સ્થાન એકસાથે મેળવવાની સિદ્ધિનું પુનરાવર્તન કર્યું છે. અગાઉ, એલને વર્ષ 2016માં પણ આ ગૌરવભર્યું સ્થાન હાંસલ કર્યું હતું.
આ વર્ષે દેશના ટોપ 10 રેન્કમાંથી 6 રેન્ક પર એલનના વિદ્યાર્થીઓએ કબ્જો કર્યો છે, જ્યારે 24 ક્લાસરૂમ વિદ્યાર્થીઓ ટોપ 50માં સ્થાન પામ્યા છે. દેશભરમાં એલનની આ ભવ્ય સફળતાનું નેતૃત્વ એલન કોટા ક્લાસરૂમના શુભમ કુમારે કર્યું છે, જેણે 360માંથી 330 ગુણ મેળવીને ઓલ ઇન્ડિયા રેન્ક 1 પ્રાપ્ત કર્યો છે. આ જ પરંપરાને આગળ ધપાવતા, એલન ક્લાસરૂમના વિદ્યાર્થી કબીર છિલ્લરે 329 ગુણ સાથે ઓલ ઇન્ડિયા રેન્ક 2 અને જતિન ચહરે 319 ગુણ સાથે ઓલ ઇન્ડિયા રેન્ક 3 મેળવ્યો છે. આ ઉપરાંત, ઓલ ઇન્ડિયા ગર્લ્સ ટોપર આરોહી દેશપાંડે પણ એલન કોટા ક્લાસરૂમની જ વિદ્યાર્થીની છે, જેણે 280 ગુણ સાથે ઓલ ઇન્ડિયા રેન્ક 77 મેળવ્યો છે. વધુમાં, એલન ઓનલાઈન લાઈવ કોર્સીસના યશવર્ધને ઓલ ઈન્ડિયા રેન્ક 52 મેળવીને ઓનલાઈન કેટેગરીમાં સર્વશ્રેષ્ઠ પરિણામ આપ્યું છે.
ટોપ પરફોર્મર્સની સફળતાની કહાની:
● જયંત ગર્ગ (AIR 340): જયંતે તેની સમગ્ર તૈયારી દરમિયાન અસાધારણ સમર્પણ અને ઉત્સાહ દર્શાવ્યો હતો.
એલનની વ્યાપક અભ્યાસ સામગ્રી (સ્ટડી મટીરિયલ), ડાઉટ-સોલ્વિંગ સેશન્સ અને ચોક્કસ પર્ફોર્મન્સ એનાલિસિસનો
મહત્તમ લાભ લઈને તેણે પોતાના સ્કોર્સમાં સતત સુધારો કર્યો. તેનો શિસ્તબદ્ધ અભિગમ અને સમય વ્યવસ્થાપન
(ટાઇમ મેનેજમેન્ટ) તેના આ અદ્ભુત રેન્ક પાછળના મુખ્ય પરિબળો રહ્યા છે. જયંત હવે દેશની અગ્રણી IITમાંથી
એન્જિનિયરિંગ ક્ષેત્રે મજબૂત કારકિર્દી બનાવવા ઈચ્છે છે.
● અર્ચિત બી. બલોદિયા (AIR 348): અર્ચિતની સફળતા દ્રઢતા અને વ્યુહાત્મક તૈયારીનું ઉત્તમ ઉદાહરણ છે. એલન
ફેકલ્ટીના મજબૂત માર્ગદર્શન અને મેન્ટરશિપ હેઠળ, તેણે તમામ વિષયોના પાયાના સિદ્ધાંતો પર ઊંડી પકડ મેળવી
અને કડક અભ્યાસ શેડ્યૂલ જાળવ્યું. મોક ટેસ્ટમાં તેનું શ્રેષ્ઠ પ્રદર્શન અને પરીક્ષાના દબાણ હેઠળ પણ શાંત રહેવાની તેની
અદભુત ક્ષમતાએ તેને આ પરિણામ અપાવવામાં મહત્વની ભૂમિકા ભજવી છે. અર્ચિત દેશની ટોચની IIT સંસ્થામાં
કોર અથવા ટેકનિકલ બ્રાન્ચમાં જોડાવાની ઈચ્છા ધરાવે છે.
● ક્રુતાર્થ પટેલ (AIR 520): એલન અમદાવાદમાં ક્રુતાર્થની સફર નિયમિતતા, શિસ્ત અને કન્સેપ્ચ્યુઅલ સ્પષ્ટતાથી
ભરેલી રહી છે. એક સમર્પિત ક્લાસરૂમ પ્રોગ્રામના વિદ્યાર્થી તરીકે, તેણે એલનના માળખાગત મોડ્યુલો અને ટેસ્ટ
સિરીઝની મદદથી પોતાના ફંડામેન્ટલ્સ મજબૂત કરવા અને સતત પ્રેક્ટિસ કરવા પર ધ્યાન કેન્દ્રિત કર્યું. પોતાની ભૂલોનું
બારીકાઈથી વિશ્લેષણ કરીને તેમાં સતત સુધારો કરવાની આદતે તેને આ પ્રતિષ્ઠિત રેન્ક અપાવ્યો છે. ક્રુતાર્થ હવે
પ્રીમિયર IITમાંથી કમ્પ્યુટર સાયન્સ એન્જિનિયરિંગ કરવાનો લક્ષ્યાંક ધરાવે છે.
