ઇફ્કો ટોકિયો ના અધ્યક્ષ તરીકે જવાબદારી સંભાળ્યા બાદ શ્રી દિલીપ સંઘાણીના પ્રથમ મુખ્યાલય આગમન પર ઇફ્કો ટોકિયો પરિવાર દ્વારા તેમનું હાર્દિક સ્વાગત કરવામાં આવ્યું।
દિલીપ સંઘાણીએ ઇફ્કો ટોકિયોના વરિષ્ઠ અધિકારીઓ સાથે વન-ટુ-વન બેઠક યોજી વિવિધ કાર્યોની વિગતવાર સમીક્ષા કરી।
દિલીપ સંઘાણીએ સંસ્થાની કાર્યપ્રણાલી, પડકારો અને શક્યતાઓ અંગે ઊંડાણપૂર્વક ચર્ચા કરી।
શ્રી દિલીપ સંઘાણી નું ઇફ્કોના મેનેજિંગ ડિરેક્ટર શ્રી કે. જે. પટેલ, ઇફ્કો ટોકિયોના મેનેજિંગ ડિરેક્ટર શ્રી સુબ્રતો મોંડલ, ઇફ્કોના નિર્દેશક (માનવ સંસાધન અને કાનૂન) શ્રી રમેશકુમાર સહિત અધિકારીઓ અને કર્મચારીઓએ તેમનું હાર્દિક અભિવાદન કર્યું।
શ્રી સંઘાણીએ કાર્યક્ષમતામાં વધારો, ગ્રાહક સેવા વધુ મજબૂત બનાવવી અને ટેક્નોલોજી આધારિત નવીનતાઓ અપનાવવા પર ખાસ ભાર મુક્યો। બાદમાં તેમણે કર્મચારીઓ સાથે સંવાદ કરતા ઇફ્કો ટોકિયોની પ્રગતિ, કાર્યશૈલી અને ભવિષ્યની યોજનાઓ અંગે વિગતવાર વિચારવિમર્શ કર્યો। તેમણે કર્મચારીઓના સૂચનોને ખૂબ જ મહત્વપૂર્ણ ગણાવ્યા અને સંસ્થાની સતત પ્રગતિ માટે તે અનિવાર્ય હોવાનું જણાવ્યું। તેમણે કહ્યું કે ઇફ્કો ટોકિયોની સફળતાનું મૂળ આધાર તેના કર્મચારીઓ છે। તેમની પ્રતિબદ્ધતા, ઇમાનદારી અને સમર્પણ સંસ્થાને નવી ઊંચાઈઓ સુધી પહોંચાડે છે। તેમણે ટીમવર્ક, પારદર્શિતા અને સકારાત્મક દ્રષ્ટિકોણ સાથે કાર્ય કરવાની અપીલ કરી।
તેમણે વધુમાં જણાવ્યું કે બદલાતા સમય અને વધતી સ્પર્ધાના યુગમાં નવીનતા, ડિજિટલ સશક્તિકરણ અને ગ્રાહક કેન્દ્રિત અભિગમ અપનાવવો અત્યંત જરૂરી છે, જેથી કંપની પોતાની સેવાઓને વધુ અસરકારક અને વિશ્વસનીય બનાવી શકે।
આ મુલાકાત થી કર્મચારીઓમાં ઉત્સાહ અને સકારાત્મક ઊર્જાનો માહોલ જોવા મળ્યો। કર્મચારીઓએ અધ્યક્ષના માર્ગદર્શનને પ્રેરણાદાયક ગણાવી સંસ્થાની પ્રગતિમાં પોતાનું સંપૂર્ણ યોગદાન આપવાનો વિશ્વાસ વ્યક્ત કર્યો।
કાર્યક્રમના અંતે તમામે મળીને સંસ્થાની સતત પ્રગતિ અને સફળતા માટે સંકલ્પ લીધો। આ મુલાકાત સંસ્થાને માટે પ્રેરણાદાયક, ઉત્સાહવર્ધક અને માર્ગદર્શક સાબિત થઈ।
ઈફકો ટોકિયો ના અધિકારીઓ એ બેઠકના અંતે જણાવ્યું કે તેમની કારકિર્દીમાં આ પ્રકારે સંસ્થાના અધ્યક્ષ એક પછી એક અધિકારી / કર્મચારી સાથે બેઠક કરે તે પ્રતહં વાર જોયું, જાણ્યું અને સૌએ ખુશી વ્યક્ત કરી.
ઇફ્કોના મેનેજિંગ ડિરેક્ટર શ્રી કે. જે. પટેલ, ઇફ્કો ટોકિયોના મેનેજિંગ ડિરેક્ટર શ્રી સુબ્રતો મોંડલ, ઇફ્કોના નિર્દેશક (માનવ સંસાધન અને કાનૂન) શ્રી રમેશકુમાર તથા ઇફ્કો ટોકિયોના ડિરેક્ટર શ્રી તાતસૂયા ફુજીમોતો સહિત અન્ય વરિષ્ઠ અધિકારીઓ હાજર રહ્યા
