અમદાવાદ, ગુજરાત | ૨૬ ફેબ્રુઆરી ૨૦૨૬ — યંગ ઇન્ડિયન્સ (Yi) અમદાવાદના નેતૃત્વ હેઠળ ચાઈલ્ડ સેફ્ટી અવેરનેસ પહેલ, પ્રોજેક્ટ માસૂમ, ફેબ્રુઆરી દરમિયાન શહેરમાં 100 થી વધુ માળખાગત સેશન્સ અને વિવિધ પ્રવૃત્તિઓ દ્વારા 6,000 થી વધુ બાળકો સુધી પહોંચ હાંસલ કરી.
Yi અમદાવાદ એ રન ફોર એવરી ચાઇલ્ડ મેરેથોનમાં ભાગ લીધો હતો, જ્યાં પ્રોફેશનલ ટ્રેનર્સની ટીમે લાઇવ એન્ગેજમેન્ટ પ્રવૃત્તિઓ હાથ ધરી હતી અને 700 ચાઈલ્ડ સેફ્ટી બુક્સનું વિતરણ કર્યું હતું. અમદાવાદમાં રિવરફ્રન્ટ ફિએસ્ટા અને હેપ્પી સ્ટ્રીટ જેવા કોમ્યુનિટી પ્લેટફોર્મ પર, 600 થી વધુ બાળકોને બાળકોને સેફ અને અનસેફ ટચ વિશે શિક્ષિત કરવામાં આવ્યા હતા.
ફેબ્રુઆરી દરમ્યાન, ટીમે ચાઈલ્ડ સેક્સ્યુઅલ એબ્યુઝ અવેરનેસ પર 47 સેશન્સ યોજ્યા, જેમાં 2,126 બાળકોનો સમાવેશ થયો. આ ઉપરાંત, ધોરણ 8 અને 12 ના વિદ્યાર્થીઓ માટે છ કિશોરાવસ્થા શિક્ષણ સત્રોનું આયોજન કરવામાં આવ્યું, જેનો 338 કિશોરોને માર્ગદર્શન આપવામાં આવ્યું. આ પહેલ દ્વારા ડિજિટલ સલામતી પર કેન્દ્રિત 53 ડિજિલેન્ટ સેશન્સ પણ યોજવામાં આવ્યા, જેમાં 2,467 બાળકોને ઓનલાઇન પ્રવૃત્તિઓ સાથે સંકળાયેલા જોખમો પ્રત્યે સંવેદનશીલ બનાવવામાં આવ્યા.
રોહન જરદોશ, ચેર, માસૂમ, Yi અમદાવાદએ જણાવ્યું હતું કે, “પ્રોજેક્ટ માસૂમ દ્વારા, અમે માત્ર બાળકોને તેમના અધિકારો અને વ્યક્તિગત સુરક્ષા વિશે જ શિક્ષિત કરી રહ્યા નથી, પરંતુ તેમને અવાજ ઉઠાવવા માટે સશક્ત પણ બનાવી રહ્યા છીએ. અમે આ એટલા માટે કરી રહ્યા છીએ કારણ કે જાગૃતિ એ નિવારણ તરફનું પ્રથમ પગલું છે. જ્યારે બાળકો ગુડ ટચ અને બેડ ટચ વચ્ચેનો તફાવત સમજે છે, ત્યારે તેઓ પોતાને સુરક્ષિત રાખવા અને મદદ મેળવવા માટે વધુ સારી રીતે સજ્જ થાય છે. અમારો સંપર્ક અમારા વોલેન્ટિયર્સ, એજ્યુકેટર્સ અને પાર્ટનર્સની દરેક બાળક માટે સુરક્ષિત વાતાવરણ બનાવવા માટેની પ્રતિબદ્ધતાને પ્રતિબિંબિત કરે છે.”
પ્રોજેક્ટ માસૂમ વિદ્યાર્થીઓને વ્યક્તિગત સુરક્ષા અને શોષણથી રક્ષણ વિશે શિક્ષિત કરવા માટે સમર્પિત છે. પ્રશિક્ષિત નિષ્ણાતો સેફ અને અનસેફ ટચ સમજવા, અસ્વસ્થતાપૂર્ણ અથવા અસુરક્ષિત પરિસ્થિતિઓને ઓળખવા, ના કહેવાનું અને મદદ મેળવવાનું શીખવા, ચાઈલ્ડલાઇન 1098 હેલ્પલાઇન વિશે જાગૃતિ લાવવી તેમજ POCSO અધિનિયમ અંગે મૂળભૂત સમજ આપવાનો સમાવેશ થાય છે.
આ પ્રોજેક્ટ અમદાવાદની ખાનગી અને સરકારી શાળાઓ ઉપરાંત વંચિત સમુદાયો, ઝુપડપટ્ટી વિસ્તારો અને અન્ય વિવિધ વર્ગોના બાળકો સુધી પહોંચે છે. સેશન્સ દરમિયાન બાળકોને સુરક્ષિત અને નિષ્પક્ષ વાતાવરણમાં તેમના અનુભવ શેર કરવા પ્રોત્સાહિત કરવામાં આવે છે.
સતત પ્રયાસો સાથે, પ્રોજેક્ટ માસૂમ જાગૃત, આત્મવિશ્વાસુ અને સુરક્ષિત બાળકોની પેઢીને ઉછેરવાના તેના મુખ્ય ઉદ્દેશ્ય તરફ કામ કરવાનું ચાલુ રાખે છે જેઓ તેમના અધિકારોને સમજે છે, અસુરક્ષિત પરિસ્થિતિઓને ઓળખે છે અને મદદ માટે કોનો સંપર્ક કરવો તે જાણે છે.
