ભારતની પસંદગીની એરલાઈન ઈન્ડિગોએ આજે ઉત્તર પ્રદેશના જેવરમાં તાજેતરમાં ઉદ્ઘાટન કરાયેલા નોઈડા ઈન્ટરનેશનલ એરપોર્ટ (NIA) પરથી ફ્લાઈટ ઓપરેશન્સ શરૂ કર્યા છે, જે નેશનલ કેપિટલ રીજન (NCR) ના આ નવા એરપોર્ટ પરથી ઓપરેટ કરનારી પ્રથમ એરલાઈન બની છે. પ્રથમ ફ્લાઈટ આજે સવારે લખનૌથી NIA ખાતે આવી પહોંચી હતી, જ્યારે ત્યાર બાદ તરત જ પ્રથમ ફ્લાઈટે બેંગલુરુ માટે ઉડાન ભરી હતી.
NIA થી ઓપરેશન્સ શરૂ કરવા એ ઈન્ડિગો માટે પ્રાદેશિક કનેક્ટિવિટીને વધુ મજબૂત કરવા તેમજ દિલ્હી-NCR અને પશ્ચિમ ઉત્તર પ્રદેશના ગ્રાહકો માટે મુસાફરીના વિકલ્પો વધારવા તરફ એક મહત્વપૂર્ણ સીમાચિહ્નરૂપ છે. ઈન્ડિગો આ એરપોર્ટને ભારતના ૧૬ થી વધુ સ્થળો સાથે સીધું જોડશે. આનાથી અમૃતસર થી જોધપુર; બરેલી થી ભોપાલ, જયપુર અને જોધપુર; ધર્મશાલા થી જોધપુર; ચંદીગઢ થી બરેલી, કિશનગઢ અને પંતનગર; જમ્મુ થી જોધપુર; જયપુર થી ધર્મશાલા અને પંતનગર; કિશનગઢ થી ભોપાલ; પંતનગર થી જયપુર અને જોધપુર જેવા ૧૪ શહેરોના જોડાણો વચ્ચે સીમલેસ (સરળ), વન-સ્ટોપ કનેક્ટિવિટી પણ શક્ય બનશે. આ કનેક્શન ટિયર ૨ / ૩ શહેરો અને મોટા મેટ્રો શહેરો વચ્ચેનો સંપર્ક વધારવા માટે તૈયાર કરવામાં આવ્યા છે, જેનાથી સમગ્ર ભારતમાં ગ્રાહકો માટે હવાઈ મુસાફરી વધુ સરળ બનશે.
ઈન્ડિગોના ચીફ સ્ટ્રેટેજી ઓફિસર આલોક સિંઘે જણાવ્યું હતું કે, “નોઈડા ઈન્ટરનેશનલ એરપોર્ટની શરૂઆત ભારતના એવિએશન ઈતિહાસમાં એક નવો અધ્યાય શરૂ કરે છે. દિલ્હી NCR હવે બહુવિધ એરપોર્ટ ધરાવતા વિશ્વના પસંદગીના મેગાસિટીઝના જૂથમાં સામેલ થઈ ગયું છે. ઈન્ડિગો માટે, NIA ખાતે લોન્ચ કેરિયર બનવાનું ગૌરવ એ માત્ર એક વ્યાપારી સીમાચિહ્ન નથી; તે પશ્ચિમ ઉત્તર પ્રદેશ, વ્યાપક દિલ્હી NCR અને લાખો મુસાફરો પ્રત્યેની પ્રતિબદ્ધતા છે જેમની માટે આ ગેટવે નવી શક્યતાઓ ખોલે છે. પ્રથમ દિવસથી જ અહીં હોવાનો અમને ગર્વ છે.”
નોઈડા ઈન્ટરનેશનલ એરપોર્ટના વાઇસ ચેરમેન ક્રિસ્ટોફ સ્નેલમેને જણાવ્યું હતું કે, “ઈન્ડિગોની પ્રથમ ફ્લાઈટ્સનું સ્વાગત કરવું એ નોઈડા ઈન્ટરનેશનલ એરપોર્ટ માટે એક નવા અધ્યાયની શરૂઆત છે. અમારા લોન્ચ કેરિયર તરીકે, ઈન્ડિગો NIA ને ભારતના મુખ્ય સ્થળો સાથે જોડશે, જે મુસાફરોને પ્રથમ દિવસથી જ વધુ વિકલ્પો અને સુવિધા પ્રદાન કરશે. અમે મુસાફરીનો સરળ અનુભવ આપવા અને સમગ્ર પ્રદેશમાં ઉડ્ડયન, વેપાર અને પ્રવાસનના સતત વિકાસને ટેકો આપવા માટે ઈન્ડિગો સાથે મળીને કામ કરવા આતુર છીએ.”
યમુના એક્સપ્રેસ વે પર વ્યૂહાત્મક રીતે સ્થિત, નોઈડા ઈન્ટરનેશનલ એરપોર્ટ આ પ્રદેશમાં હાલની ક્ષમતા પૂરક બનીને એક મુખ્ય એવિએશન અને લોજિસ્ટિક્સ હબ બનવા માટે તૈયાર છે. NIA ના ઉમેરા સાથે, ઈન્ડિગો હવે NCR ના ત્રણેય એરપોર્ટ – ઈન્દિરા ગાંધી ઈન્ટરનેશનલ એરપોર્ટ (દિલ્હી), હિંડન એરપોર્ટ (ગાઝિયાબાદ) અને નોઈડા ઈન્ટરનેશનલ એરપોર્ટ (નોઈડા) પર પોતાની સેવાઓ આપશે.
ગ્રાહકો ઈન્ડિગોની સત્તાવાર વેબસાઈટ www.goIndiGo.in, મોબાઈલ એપ્લિકેશન અથવા અધિકૃત ટ્રાવેલ પાર્ટનર્સ દ્વારા ફ્લાઈટ્સ બુક કરી શકે છે.
