વર્ષ 2025ની સૌથી સફળ અને ચર્ચિત ગુજરાતી રોમેન્ટિક ડ્રામા ફિલ્મ ‘મિસરી’, થિયેટરોમાં પ્રેક્ષકોના દિલ જીત્યા બાદ હવે ડિજિટલ પ્લેટફોર્મ પર આવી રહી છે. પ્રેમ, લાગણી અને હાસ્યથી ભરપૂર આ ફિલ્મનું ડિજિટલ પ્રીમિયર 19 ફેબ્રુઆરી, 2026 થી લોકપ્રિય OTT પ્લેટફોર્મ JOJO પર થવા જઈ રહ્યું છે. કુશલ એમ. નાયક દ્વારા દિગ્દર્શિત આ ફિલ્મ એક સંપૂર્ણ ઇમોશનલ અને એન્ટરટેઈનમેન્ટ રોલર-કોસ્ટર સાબિત થઈ છે.
ફિલ્મની સૌથી મોટી તાકાત તેની પ્રતિષ્ઠિત અને લોકપ્રિય સ્ટાર કાસ્ટ છે. ગુજરાતી સિનેમાની સૌથી પ્રિય ઓન-સ્ક્રીન જોડી માનસી પારેખ અને રોનક કામદાર ફરી એકવાર પોતાની શાનદાર કેમિસ્ટ્રીથી દર્શકોને મંત્રમુગ્ધ કરવા તૈયાર છે. આ જોડીને અગાઉની ફિલ્મોમાં પણ પ્રેક્ષકોનો અઢળક પ્રેમ મળ્યો છે, જેનો જાદુ ‘મિસરી’ માં પણ યથાવત છે. આ ઉપરાંત, દિગ્ગજ અભિનેતા ટીકૂ તલસાણિયાની અદભૂત કોમેડી ફિલ્મને અલગ સ્તર છે, જ્યારે પ્રેમ ગઢવી અને હિતુ કનોડિયા જેવા કલાકારો પણ મહત્વની ભૂમિકાઓમાં છે.
આ પ્રસંગે JOJO એપના CEO અને ફાઉન્ડર ધ્રુવિન શાહ જણાવે છે કે, “JOJO પ્લેટફોર્મ પર અમારો હંમેશા એવો પ્રયાસ રહ્યો છે કે અમે શ્રેષ્ઠ અને ગુણવત્તાસભર ગુજરાતી કન્ટેન્ટ આપીએ. ‘મિસરી’ એ વર્ષ 2025ની સૌથી મનપસંદ ફિલ્મોમાંની એક રહી છે અને અમને ગર્વ છે કે અમે આ અદભૂત લવ સ્ટોરીને ડિજિટલ માધ્યમથી વિશ્વભરના ગુજરાતી દર્શકો સુધી પહોંચાડી રહ્યા છીએ. આ ફિલ્મની મીઠાશ દરેક ઉંમરના પ્રેક્ષકોને ગમશે તેની મને ખાતરી છે.”
માત્ર અભિનય જ નહીં, પરંતુ ‘મિસરી’ ના મ્યુઝિકે પણ દર્શકોના દિલ જીતી લીધા છે. ફિલ્મના સોન્ગ્સની લોકપ્રિયતાએ તેની સફળતામાં મહત્વનો ભાગ ભજવ્યો છે. એક મુક્ત ભાવના ધરાવતી ફોટોગ્રાફર અને પોટરી ઇન્સ્ટ્રક્ટરની આ વાર્તા આજના યુગમાં વિશ્વાસ, ધીરજ અને સાચા પ્રેમની કસોટીને અત્યંત સાદગી અને સુંદરતાથી રજૂ કરે છે. જો તમે થિયેટરમાં આ ફિલ્મ જોવાનું ચૂકી ગયા હોવ અથવા ફરી એકવાર આ મીઠી મુસાફરીનો આનંદ માણવા માંગતા હોવ, તો 19 ફેબ્રુઆરીથી તે ફક્ત JOJO પ્લેટફોર્મ પર ઉપલબ્ધ થશે.
